Rasijski biznesoviec vykupiŭ pałac Radziviłaŭ u Dziatłavie. Jon zapłaciŭ za jaho 96 rubloŭ
Raźmieščany ŭ Dziatłavie były pałac Radziviłaŭ nabyŭ novaha ŭłaśnika. Unikalnaja histaryčnaja pabudova, jakaja maje 270-hadovuju bijahrafiju, syšła z małatka ŭsiaho za 100 rubloŭ, piša «Viačerni Hrodna».
Pakupnika pałaca ŭ Dziatłavie šukali niekalki hadoŭ. Adnak pakolki jašče nivodnyja tarhi nie ŭviančalisia pośpiecham, tamu pačatkovy košt pałaca da aŭkcyjonu, jaki adbyŭsia ŭ kamitecie «Hrodnaabłmajomaść» u aŭtorak, źniziŭsia da 3 bazavych vieličyń za ŭvieś budynak (96 rubloŭ na siońnia).
Tarhoŭ, darečy, nie było — zarehistravaŭsia tolki adzin udzielnik. U takim vypadku aŭkcyjon nie pravodziać, a adziny pretendent dapłačvaje 5% da pačatkovaj sumy.
Sam pałac znachodziŭsia va ŭłasnaści Dziatłaŭskaha rajona. Ahulnaja płošča dvuchpaviarchovaj pabudovy ŭ styli baroka — 1527 kvadratnych mietraŭ. U jaho jość sklep i čatyry prybudovy. Płošča samoha ŭčastka — 41 sotka. Pakupnik atrymaŭ hetuju ziamlu ŭ arendu terminam na 50 hadoŭ.
Ciapier pałac naležyć biznesoŭcu z Rasii. Asabista jon nie zmoh prysutničać na tarhach, tamu jaho intaresy pradstaŭlała biełaruska Śviatłana, jakaja vystupała ŭ roli davieranaj asoby pradprymalnika. Pavodle jaje słoŭ, jaje klijent nie naradziŭsia ŭ Biełarusi i nie žyŭ tut, adnak jon nieadnarazova naviedvaŭ našu krainu ŭ jakaści turysta. Jon šanuje daŭninu i choča zachavać kulturnuju spadčynu dla ciapierašnich pakaleńniaŭ.
— Što mienavita źjavicca tam paśla rekanstrukcyi, na hety momant vyrašajecca i abmiarkoŭvajecca. Adnak mahu skazać dakładna, što pałac budzie mieć tolki sacyjalnuju nakiravanaść, ab kamiercyjalizacyi abjekta havorki nie idzie. Pakolki tam raniej była balnica, mahčyma, źjavicca reabilitacyjny centr abo inšaja ŭstanova dla dapamohi ludziam, — adznačyła Śviatłana.
Pa jaje słovach, niahledziačy na toje, što budynak pustavaŭ apošnija šeść hadoŭ, jon zachavaŭsia ŭ prystojnym stanie. Asabliva žančynie spadabalisia staradaŭnija sklapienistyja padvały, jakija nahadvajuć tajamničyja padziamielli.
Pa ŭmovach tarhoŭ u novych ułaśnikaŭ jość nie bolš za dva hady z dnia zaklučeńnia dahavora kupli-prodažu na toje, kab raspracavać prajektnuju dakumientacyju na praviadzieńnie rekanstrukcyi abo kapramontu.
Sami budaŭničyja raboty treba pravieści ŭ terminy, paznačanyja ŭ prajekcie, adnak nie paźniej čym piać hadoŭ z dnia zaklučeńnia dahavora.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary