Sabaka ŭžo dva hady čakaje haspadara na čyhunačnym prypynku pad Minskam. I nie maje šancaŭ dačakacca
Na čyhunačnym prypynku «Kłypaŭščyna» pad Minskam sabaka ŭžo dva hady čakaje svajho haspadara, paviedamlaje telekanał «Mir 24». Jaho lubiać i padkormlivajuć, ale hłabalna pamahčy ničym nie mohuć.
Žychary vioski Kłypaŭščyna padkormlivajuć dvarniaka i sprabujuć jamu stvaryć maksimalna kamfortnyja ŭmovy dla žyćcia. Tak, adzin z mužčynaŭ zmajstravaŭ budku, jakaja dapamoža biazdomnamu sabaku pieražyć zimovyja marazy.
«Tut jak by jon u nas i zastaŭsia, bo niama kudy dziecca. Jon čakaje, čakaje i spadziajecca. Jak lubaja žyviolina, pryvykaje da svajho haspadara, lubić jaho», — raskazała miascovaja žycharka Iryna.
Haspadar sabaki pamior dva hady tamu. Paśla hetaha jamu sprabavali znajści novy dom, i heta navat udavałasia, ale kožny raz jon usio adno źbiahaŭ i viartaŭsia na svajo miesca. Tamu žychary vioski prazvali dvarniaka Chacika, pa anałohii sa znakamitym japonskim sabakam.
Čytajcie taksama:
Pad Hrodnam zabili sabaku, jaki paŭhoda čakaŭ haspadaroŭ na aŭtazapraŭcy
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary