Kampanija Arton Capital, jakaja tradycyjna składaje štohadovyja rejtynhi pašpartoŭ śvietu, nazvała samym «mocnym» u śviecie ŭ 2022 hodzie pašpart Abjadnanych Arabskich Emirataŭ. Uładalniki hetaha pašparta mohuć naviedvać bieź vizy 121 krainu i rabić vizu pa prybyćci ŭ 59 dziaržavach. Viza hramadzianam AAE patrabujecca tolki dla 18 krain. Letaś Emiraty taksama byli lidaram rejtynhu.
Druhoje miesca padzialili Hiermanija, Šviecyja, Finlandyja, Luksiemburh, Ispanija, Francyja, Italija, Niderłandy, Aŭstryja, Šviejcaryja i Paŭdniovaja Kareja. Hramadzianam hetych dziaržaŭ vizy patrebnyja ŭ 25 krain.
Dalej iduć pašparty Danii, Bielhii, Partuhalii, Narviehii, Polščy, Irłandyi, ZŠA i Novaj Ziełandyi. Zahadzia rabić vizu ich uładalnikam davodzicca dla naviedvańnia 26 krain.
Biełaruski pašpart u hetym rejtynhu najhoršy siarod jeŭrapiejskich krain, kali nie ličyć Azierbajdžana i Armienii. Biełarusy, pavodle infarmacyi Arton Capital, mohuć naviedvać bieź vizy 43 krainy i rabić vizy pa prybyćci ŭ 47-mi. A voś dla naviedvańnia 108 dziaržaŭ spatrebicca zahadzia adkrytaja viza.
U našych susiedziaŭ pazicyi značna lepšyja — va Ukrainy adpaviedna 54-51-53, u Rasii — 78-45-75.
Apošni ŭ śpisie — pašpart Afhanistana, pa im biaźvizavy ŭjezd dazvoleny tolki ŭ piać krain.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary