Kniha biełaruski Volhi Prymačenka «Da siabie piaščotna. Kniha pra toje, jak šanavać i bierahčy siabie» ŭznačaliła rejtynh samych papularnych elektronnych vydańniaŭ Rasii ŭ 2022 hodzie, paviedamili ŭ pres-słužbie servisu «Litries».
«Usiaho było pradadziena bolš za 74 tys. asobnikaŭ tvora, jaho prodažy vyraśli na 83% u paraŭnańni z 2021 hodam», — adznačyŭ «Litries».
«Da siabie piaščotna» — kniha pra prava kožnaha adčuvać što zaŭhodna — i nie saromiecca hetaha. Jana vyjšła ŭ 2020 hodzie.
Druhoje miesca ŭ rejtynhu zajmaje Džordž Orueł i jaho viečna aktualna raman «1984». U 2022 hodzie ŭ Rasii prodaž hetaha tvora vyras na 45%.
Zamykaje trojku rasijskich biestsieleraŭ u siehmiencie elektronnych knih «Vybar. Ab svabodzie i ŭnutranaj sile čałavieka» Edyt Jevy Ehier — miemuary čałavieka, jaki pieražyŭ Chałakost.
Volzie Prymačenka 37 hadoŭ, jana žyvie ŭ Minsku. Skončyła žurfak BDU. Jaje kniha «Da siabie piaščotna» papularnaja i ŭ Biełarusi.
Kamientary