Chočacie palepšyć adnosiny z kachanym? Čaściej zhadvajcie byłoha partniora
Da takoj paradaksalnaj vysnovy pryjšli daśledčyki z Kanzaskaha ŭniviersiteta ŭ ZŠA. Zhodna ź imi, uspaminy pra byłych čamuści palapšajuć uzrovień zadavolenaści ciapierašnimi adnosinami.
Psichołahi z amierykanskaha Kanzaskaha ŭniviersiteta paprasili respandentaŭ addacca nastalhičnym uspaminam pra minułaha partniora. Heta prymusiła ludziej bolš pazityŭna acanić ich ciapierašnija adnosiny i bolš imknucca ich praciahvać. Sakret u tym, što respandenty zrazumieli, jak mocna jany vyraśli z času minułych adnosin, tłumačyć Daily Mail.
Pavodle daśledavańnia, dobryja ŭspaminy pra byłych partnioraŭ prychodziać na pamiać, kali natykaješsia na lubimuju pieśniu ci film eks-partniora abo partniorki. Ale nie ŭsie respandenty byli zdolnyja da takich uspaminaŭ: kali razryŭ byŭ nadta balučy, ludziam było ciažka zhadvać pra byłoha niešta dobraje.
Temu adnosin z byłymi partniorami ŭ tym hodzie daśledavali navukoŭcy ź inšaj amierykanskaj navučalnaj ustanovy — Akłachomskaha ŭniviersiteta. Zhodna ź imi, kali nie razryvać całkam adnosiny z byłym, a pakidać mahčymaść viarnucca da jaho, to heta vyklikaje niehatyŭnyja emocyi ŭ dačynieńni i da byłoha partniora, i da siabie. Adna z asnoŭnych pryčyn takoj źjavy — toje, što ŭ kahości z eks-kachanych jašče zastalisia pačućci da svajoj byłoj pałovy, ale nastupstvy takich pavodzin buduć drennymi. I nasamreč navukoŭcy vyśvietlili, što kali sačyć za byłym kachanym praz sacsietki, heta pahoršyć vaš emacyjny stan i stupień zadavolenaści žyćciom, asabliva ŭ śviaty.
Čytajcie taksama:
Navukoŭcy: U mužčyn moža być alerhija na arhazmy
Dzicia ŭbačyła seks baćkoŭ: heta narmalna?
Dziaržava dla naroda: u Francyi preziervatyvy zrobiać biaspłatnymi dla moładzi ad 18 da 25
Ciapier čytajuć
Zamiest vajny słany ŭ novaj knizie Sašy Filipienki. I Maskva4
Kamientary
čieho? lično ja tak staptałoś i diehradirovało