Usievaład Ścieburaka. Navahodni vierš ź nizki «Nieznajomamu ziemlaku»
Paet Usievaład Ścieburaka nadrukavaŭ u fejsbuku čarhovy vierš sa svajoj nizki «Nieznajomamu ziemlaku». I prosić ličyć heta novahodnim vinšavańniem usich šanoŭnych siabroŭ — blizkich i dalokich.
Ja siadaju pisać listy
sa staroha hoda — u novy,
ja šukaju takija słovy,
u jakich adhukniešsia ty.
Dy raźviedzienyja masty
i padkurčyli chvost kamiety,
staŭ kivač na siaredzinie leta,
i ŭspaminy, jak błokpasty.
I nadzvyčaj niaprosta heta —
padymacca i znoŭ iści
pa žyćci, pa śniahach i liści,
kali ty na ŭskrajku śvietu,
kali hety ŭskrajek — ty.
I navokał usio mieniej sušy,
dy ŭ sihnale «ratujcie dušy»
-žy -šy pišucca ŭsio ž praz «y».
I siadaje bialutki śnieh
na kapturyk śviatoha Mikoły,
i ničoha niama naŭkoła,
navat serca prycišvaje bieh.
Dy ciažkija dumki hani.
Novy hod — i ŭsio nanova!
Prosta vier,
ja daju tabie słova,
jak ahoń u chałodnyja dni…
Ciapier čytajuć
28‑hadovuju ŭkrainku z Maryupala asudzili ŭ Minsku za palityku. Čamu jana pryjechała z Polščy ŭ Biełaruś, niajasna4
Kamientary
znoŭ 1:0 na karyść paeta. u vašym batle paeta i paetki )
Ja siadaju pisać adkaz
sa staroha hoda — u novy,
i šukaju takija słovy,
na jakija hukniešsia ty.
A raźviedzienyja masty
zyč, padkurčyli chvost kamiety,
staŭ kivač na siaredzinie leta,
a ŭspaminy – jak błokpasty.
Usio nadzvyčaj niaprosta
heta —
padymacca i znoŭ iści
pa žyćci, pa śniahach i liści,
prybryści na uskrajek śvietu,
kali hety ŭskrajek — ty.
I navokał ty mieńš parušyš,
dy ŭ sihnale «ratujcie dušy»
-žy -šy pišucca ŭsio ž praz «y».
Asiadaje bialutki śnieh
na kapturyk śviatoha Mikoły,
i ničoha niama naŭkoła,
navat serca prycišany bieh.
Ty ciažkija dumki hani –
Novy hod — i ŭsio nanova!
Prosta vier,
my pačujem novaje słova–
jak ahniom u chałodnyja dni…
a vy chto?
chto vam daŭ prava papraŭlać jahonyja słovy i radki?