Navukoŭcy znajšli arhanizm, jaki moža charčavacca tolki virusami
Navukoŭcy z Univiersiteta Niebraski ŭ Linkalnie (ZŠA) znajšli vid mikroba, jaki zdolny charčavacca vyklučna virusami. Daśledavańnie apublikavanaje ŭ PNAS, piša Science Alert.
Mikrob Halteria — pradstaŭnik presnavodnaha płanktonu z rodu infuzoryj. Łabaratornyja ŭzory jaho arhanizma zdolnyja spažyvać chłoravirusy i atrymlivać ad ich značnuju kolkaść enierhii.
Daśledavańnie viałosia try hady. Ideja jahonaja była ŭ tym, što ŭ vadzie znachodzicca vielizarnaja kolkaść virusaŭ i mikraarhanizmaŭ, i heta moža pryvieści da taho, što adny mohuć jeści inšych.
Papiarednich daśledavańniaŭ pra hetuju źjavu było nie tak šmat.
U asiarodździ virusaŭ jość aminakisłoty, nukleinavyja kisłoty, lipidy, azot i fosfar, tamu całkam vierahodna, što peŭnyja arhanizmy mahli b charčavacca imi.
Kamanda daśledčykaŭ sabrała ŭzory z presnych vadajomaŭ i dadała da ich chłoravirusy. Jany imknulisia pravieryć, jakija arhanizmy buduć usprymać virusy jak ježu, a nie jak pahrozu.
Tak navukoŭcy vyjavili dva vidy — Halteria i Paramecium, jakija zastalisia ŭ vadzie.
Paramecium amal nie mianiałasia ŭ pamierach, u toj čas jak Halteria spažyvała chłoravirus i vykarystoŭvała jaho jak krynicu enierhii. Za dva dni papulacyja mikrobaŭ Halteria vyrasła prykładna ŭ 15 razoŭ, a papulacyja virusa ŭpała ŭ 100 razoŭ.
«Pieršapačatkova heta była tolki zdahadka, što isnuje bolš arhanizmaŭ Halteria. Ale potym jany byli dastatkova vialikija, kab ja moh uziać ich nakaniečnikam pipietki, źmiaścić u čystuju kroplu i paličyć», — kaža Dełonh.
Dalej navukoŭcy paznačyli DNK chłoravirusa fłuoryscentnym farbavalnikam, pierš čym uvieści jaho da ŭzoraŭ płanktonu. Halteria i Paramecium sapraŭdy źjadali virusy. Ich vakuoli (ekvivalent straŭnika) śviacilisia zialonym.
Navukoŭcy taksama vyśvietlili, što rost papulacyi mikrobaŭ i źnižeńnie kolkaści virusaŭ praparcyjnyja, jak u lubych adnosinach pamiž drapiežnikam i achviaraj.
«Ciapier my pavinny pasprabavać vyśvietlić, ci heta sapraŭdy jość u pryrodzie», — zajaviŭ ekołah.
-
Vyjšła novaja Gemini 4 Argon. Jana buduje realistyčnyja 3D-simulacyi i pakadrava analizuje videa
-
Hety małady biełarus stajaŭ la vytokaŭ ChatGPT. Voś što jon zrabiŭ
-
U pustyni Hobi pabudavali muziej, padobny da jajek dynazaŭraŭ. Jon amal nie maje patreby ŭ kandycyjanierach navat pry 55 hradusach śpioki
Kamientary