Dev.by: U IT-kampanii prysłali śpisy supracoŭnikaŭ, jakija danacili ŭ fondy
Dźvie nie źviazanyja adna z adnoj krynicy ŭ adnoj z bujnych IT-kampanij paviedamili vydańniu Dev.by, što kiraŭnictva pravodzić hutarki z supracoŭnikami, jakija danacili ŭ humanitarnyja fondy, u pryvatnaści ByPol i BySol. Sa słoŭ surazmoŭcaŭ, z administracyi Parka vysokich technałohij u kampaniju nibyta dasłali śpisy takich supracoŭnikaŭ.
«Tolki z našaj kampanii ŭ hetym śpisie apynułasia niekalki sotniaŭ čałaviek, — raskazała adna z krynic. — Kiraŭnictvu prapanavana pravieści z usimi rabotnikami sa śpisie asabistuju hutarku i prapanavać im pahutaryć z pradstaŭnikami śpiecsłužbaŭ. A potym zadanacić u 10 razoŭ bolš u fond, jaki skažuć. U hetym vypadku abiacajuć nie pačynać kryminalny pieraśled».
Pa słovach krynicy, u vyniku hutarki kampanija pavinna paviedamić, ci płanuje supracoŭnik pajści na sustreču. Chtości z supracoŭnikaŭ paśla asabistaj hutarki z kiraŭnikom pahadziŭsia iści, chtości jašče dumaje».
Sama kampanija pakul ničoha nie raić, čakaje pieršych vynikaŭ. I bolš nijakich padrabiaznaściaŭ pakul niama.
Čytajcie taksama: Krynicy: Jančeŭski prydumaŭ, kab prahramistaŭ za danaty 2020-ha nie sadzili, ale ździrali kampiensacyju ŭ dziesiacirazovym pamiery
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary
Mało toho, čto biez viny vinovaty budietie, iak i zołotyje jajca, łukašienkam, prodołžitie prinosiť. Na mazochizm smachivajet.