Arastovič patłumačyŭ svaju zajavu pra toje, što rakietu ŭ Dniapry źbiła SPA
Učora daradca Ofisa prezidenta Ukrainy Alaksiej Arastovič u žyvym efiry pamyłkova zajaviŭ, što rakietu, jakaja ŭpała na šmatpaviarchovik u Dniapry, źbiła ŭkrainskaja SPA. Jon patłumačyŭ, čamu tak skazaŭ.
«Narod, ja prosta stamiŭsia, — piša ŭ telehramie Arastovič. — 320 dzion pramych viečarovych efiraŭ, kali nie ličyć astatniaj pracy, pastajannaje niedasypańnie, pastajanny infarmacyjny pierahruz, kamandziroŭki. Miljony kantaktaŭ u dzień i ŭsio sa «zvyšterminovaj i zvyšvažnaj» infarmacyjaj.
Pa siemdziesiat paviedamleńniaŭ u dziesiać chvilin. Z takoj ža.
Dapamažy tym, vyratuj tych, vysłuchaj taho, umiašajsia tam.
Mnie ŭ chodzie samich efiraŭ dasyłajuć ludzi, adzin nadziejniejšy za inšaha (vajskoŭcy), mnostva paviedamleńniaŭ u raźvićcio temy — i jak praviła, supiarečać adzin adnamu.
I ja ŭsio heta pavinien uličvać — u spałučeńni i va ŭzajemadziejańni, šukać iścinu».
Palityk raskazaŭ, adkul uziałasia viersija, što rakietu źbili SPA.
«Moj tavaryš, były SPAšnik, išoŭ pa vulicy ŭ momant traplańnia. Jon mnie skazaŭ, što na 100% čuŭ dva vybuchi i apaznaŭ pieršy jak pracu SPA.
Da hetaha času jon nie pamylaŭsia. I byŭ upeŭnieny, što rakietu źbili», — patłumačyŭ Arastovič i dadaŭ, što varta było inakš sfarmulavać svaju dumku.
Nahadajem, paźniej hetuju viersiju abvierh kamandujučy Pavietranymi siłami USU. A mer Dniapra Barys Fiłataŭ zaklikaŭ SBU i kontrraźviedku adreahavać na słovy Arastoviča pra rakietu.
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary