Sachaščyk paabiacaŭ sfarmavać čaść ź biełarusaŭ-dobraachvotnikaŭ va Ukrainie da viasny
Vajskovuju čaść biełarusaŭ-dobraachvotnikaŭ u składzie Uzbrojenych sił Ukrainy sfarmujuć da viasny. Pra heta ŭ paniadziełak na sustrečy ŭ Varšavie zajaviŭ pradstaŭnik pa pytańniach abarony i nacyjanalnaj biaśpieki Abjadnanaha pierachodnaha kabinieta Biełarusi, kiraŭnik Departamienta nacyjanalnaj biaśpieki Valeryj Sachaščyk, paviedamlaje «Jeŭraradyjo».
«Takaja čaść isnuje. Jana ciapier kamplektujecca, — kaža Sachaščyk. — Da kanca lutaha jana skončyć kamplektavańnie, padrychtoŭku i prystupić da vykanańnia zadańniaŭ bajavych… Nie tak mała ludziej tam. Jość aficery biełaruskija.
Viadomaja reč, što kamanduje čaściu aficer ukrainski. Kiravańnie čaści ŭsio ukrainskaje, bo, zhodna z zakanadaŭstvam Ukrainy, inakš na siońniašni dzień być nie moža. My inicyjavali źmieny da zakanadaŭstva, kab byŭ dazvoł aficeram-biełarusam zajmać aficerskija pasady va Uzbrojenych siłach Ukrainy.
Ale ja nie viedaju, kali budzie vynik z hetaha i ci budzie naohuł. Pytańnie nie takoje prostaje».
Pra toje, što va Ukrainie stvoranaja novaja vajskovaja čaść ź biełarusaŭ-dobraachvotnikaŭ, Sachaščyk zajaviŭ na pačatku śniežnia 2022 hoda. Pavodle jaho słoŭ, jana atrymaje sučasnaje ŭzbrajeńnie.
-
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi
-
«Lepš być zastrelenaj u śpinu, čym hadami tak siadzieć». Biełaruska raskazała pra ŭmovy ŭ izalatary paśla zatrymańnia na miažy
-
«Za takija hrošy chaj sami nosiać». Biełarusy aburajucca cenami na vyšyvanki ŭ barysaŭskim univiermahu
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi13
Kamientary