Polski ministr sportu prapanavaŭ stvaryć dla biełarusaŭ i rasijan zbornuju biežancaŭ
Polski ministr sportu Kamil Bartničuk prapanavaŭ Mižnarodnamu alimpijskamu kamitetu razhledzieć alternatyŭnaje rašeńnie, pry jakim častka biełaruskich i rasijskich spartsmienaŭ mahła b uziać udzieł u Alimpijskich hulniach u Paryžy ŭ nastupnym hodzie. Jon ličyć, što varta stvaryć zbornuju biežancaŭ, u jakuju ŭvojduć tolki spartsmieny, vyrazna apazicyjnyja Łukašenku i Pucinu.
«Bolšaść vystupaje za toje, kab spartsmieny z Rasii i Biełarusi nie ŭdzielničali ŭ Alimpijskich hulniach u Paryžy ŭ nastupnym hodzie», — zajaviŭ ministr sportu Polščy Kamil Bartničuk paśla siońniašniaj anłajn-sustrečy spartyŭnych pradstaŭnikoŭ bolš čym 30 krain.
Bolšaść vystupleńniaŭ — za vyklučeńniem Hrecyi, Francyi, Japonii — prahučała mienavita ŭ takim tonie, skazaŭ Bartničuk. Ale pry hetym jon adznačyŭ, što pakul nie pryniata rašeńnie ab mahčymym bajkocie mierapryjemstva ŭ vypadku dopusku da hulniaŭ biełaruskich i rasijskich spartsmienaŭ.
«Na hetym etapie tak stavić pytańnie biessensoŭna. My pavinny dać Mižnarodnamu alimpijskamu kamitetu čas parazvažać. Pry hetym ja dakładna zaśviedčyŭ, što heta scenaryj, jaki my nie pavinny vyklučać», — padkreśliŭ polski ministr.
U toj ža čas Bartničuk prezientavaŭ ideju alternatyŭnaha rašeńnia — stvareńnie pradstaŭnictva dla biežancaŭ, u jakuju ŭvajšli b praciŭniki režymaŭ Uładzimira Pucina i Alaksandra Łukašenki.
«Heta było pryniata jak cikavaja kancepcyja, jakaja moža być asnovaj dla pieramoŭ z MAK», — adznačyŭ Bartničuk.
U kancy studzienia Mižnarodny alimpijski kamitet (MAK) abviaściŭ, što rasijanam i biełarusam dazvolać spaborničać u francuzskaj stalicy, praŭda, biez mahčymaści demanstracyi nacyjanalnych koleraŭ i vykanańnia himnaŭ. Jany buduć zmahacca za alimpijskija licenzii na spabornictvach u Azii.
Takoje rašeńnie padtrymali nie ŭsie. Nacyjanalnyja alimpijskija kamitety Ukrainy, Polščy, krain Bałtyi i Paŭnočnaj Jeŭropy ŭžo vykazalisia suprać takoj schiemy. Jany ličać, što «da zakančeńnia varvarskaj vajny va Ukrainie nijakija rasijskija i biełaruskija spartsmieny nie pavinny brać udzieł ni ŭ jakich mižnarodnych spabornictvach, u tym liku ŭ Alimpijskich hulniach.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
I pusť vystupajut v kletkach i sorievnujutsia druh s druhom.
Tierroristy dołžny byť izolirovany ot vsieho civilizovannoho mira.