Učora stała viadoma, što novy pakiet sankcyj Jeŭrasajuza ŭ dačynieńni da Biełarusi nie pryniaty, bo abmiarkoŭvajucca sastupki pa kaliju. Pradstaŭnik Abjadnanaha pierachodnaha kabinieta pa tranzicie ŭłady Pavieł Łatuška na pres-kanfierencyi vykazaŭ mierkavańnie nakont taho, z čym heta źviazana.
Pa słovach Łatuški, niekatoryja krainy prapanujuć sastupki ŭ dačynieńni da biełaruskich uhnajeńniaŭ, abhruntoŭvajučy heta prablemaj charčavańnia ŭ śviecie.
«Nibyty heta ŭpłyvaje na košt praduktaŭ charčavańnia, u suviazi z sankcyjami raście košt kalijnych uhnajeńniaŭ. Pa našym analizie i paśla našych kantaktaŭ z ZŠA, ličym, što hetaja pazicyja nie maje padstavaŭ. Upłyŭ minimalistyčny.
Chutčej za ŭsio, razmova idzie pra łabiravańnie intaresaŭ kalijnych hrupovak, jakija zarablajuć na hetym miljardy. Zrazumieła, što častka hrošaj viartajecca na «Biełaruśkalij», ale bolšaja častka asiadaje ŭ kišeniach tych ludziej, jakija zajmajucca prodažam kalijnych uhnajeńniaŭ na suśvietnych rynkach. I heta źviazana ź siamjoj Łukašenki.
My viedajem, što hienieralny dyrektar «Biełaruśkalija» źjaŭlajecca chrosnym Koli Łukašenki, nabližany da samoha Łukašenki. Usia sistema kalijnych imparcioraŭ kantralujecca siamjoj Łukašenki», — kaža palityk.
Kali budzie prałabiravany taki padychod, to źjavicca mahčymaść vychadu z abmiežavańniaŭ kalijnych pastavak. Łukašenka atrymaje finansy na pabudovu represiŭnaha aparatu, padtrymku vajny, miarkuje Łatuška.
«My ličym, što takaja pazicyja kryvadušnaja i absalutna nieprymalnaja. Aktyŭna viadziom dyjałoh z Brusielem, MZS Polščy i Litvy. Nam važna, kab pakiet byŭ pryniaty i vyklučyŭ usie mahčymaści abychodu sankcyj. I kab nie było vyklučeńniaŭ, jakija b admianiali sankcyi na pastaŭki kalijnych uhnajeńniaŭ», — patłumačyŭ Pavieł Łatuška.
Pa słovach Łatuški, za apošni čas demakratyčnyja siły pieradali 23 listy z prapanovami pa raźvićci sankcyjnaj palityki.
«Jany tyčylisia harmanizacyi sankcyjnaj palityki. Pra takuju harmanizacyju my kažam našym jeŭrapiejskim partnioram pačynajučy z sakavika minułaha hoda. Kali pačałasia vajna, stali prymacca sankcyjnyja pakiety ŭ dačynieńni da Rasii i režymu Łukašenki, jany zaŭsiody praduhledžvali rozny padychod. My adrazu papiaredžvali ŭsich našych partnioraŭ, što heta pryviadzie da situacyi, kali Łukašenka stanie vykarystoŭvać heta jak chab u intaresach Rasijskaj Fiederacyi. Mienavita heta i zdaryłasia».
Čytajcie taksama:
Cichanoŭskaja ŭ adkaz na krytyku Padalaka: My budziem padtrymlivać Ukrainu niezaležna ad taho, jak budzie raźvivacca dyjałoh z Kijevam
«Nie ŭ nas znachodziacca klučy ad turmaŭ». Pierachodny kabiniet patłumačyŭ, čamu pieramovy pa palitviaźniach nie pačalisia
«Nie ŭ nas znachodziacca klučy ad turmaŭ». Pierachodny kabiniet patłumačyŭ, čamu pieramovy pa palitviaźniach nie pačalisia
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary