Viciebski abłasny sud 16 lutaha asudziŭ miedyka Alaksieja Alaksiejčyka da realnaha terminu ŭ kałonii.
Mužčynu pryznali vinavatym pavodle art. 361 č. 3 KK RB (zakliki da sankcyj). Sudovy praces prachodziŭ u zakrytym režymie. Sudździoj vystupiŭ Jaŭhien Burunoŭ, paviedamiŭ Mayday.
Jon pryznačyŭ Alaksiejčyku pakarańnie ŭ 2 hady i 6 miesiacaŭ pazbaŭleńnia voli ŭ kałonii ahulnaha režymu.
Alaksiej Alaksiejčyk bolš za 20 hadoŭ pracavaŭ lekaram-transpłantołaham u Respublikanskim navukova-praktyčnym centry dziciačaj ankałohii i hiematałohii. Jon ličycca adnym z najlepšych śpiecyjalistaŭ centra, jaki pravioŭ mnostva apieracyj pa pierasadcy kaściavoha mozhu.
Zatrymali Alaksieja 5 kastryčnika 2022 hoda.
Jak paviedamlałasia raniej, viasnoj 2022 hoda supracoŭniki MUS atrymali dostup da ŭnutranaha čata miedrabotnikaŭ centra. Tam išło abmierkavańnie palityčnaha stanovišča ŭ Biełarusi paśla prezidenckich vybaraŭ, jakija prajšli ŭ žniŭni 2020-ha. Supracoŭniki Centra adkryta vystupili suprać hvałtu, jaki adbyvaŭsia paśla 9 žniŭnia 2020. Represii ŭ RNPC pačalisia sa zvalnieńnia dyrektara Centra Natalli Kanapli ŭ listapadzie 2020 hoda, paśla čaho byli zatrymanyja jašče niekalki supracoŭnikaŭ, a zahadčyku łabaratoryi hienietyčnych bijatechnałohij Alaksandru Mialešku dali 3 hady chatniaj chimii pavodle art. 342 KK RB.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary