Jabaćki zapisvajuć tyktoki pad słovy Zianona Paźniaka. Što?
«Maja mova biełaruskaja, tamu što my biełarusy. Naša dziaržava — Biełaruś, i my vialiki kulturny narod», — hetyja słovy Zianona Paźniaka, pakładzienyja na muzyku, zavirusilisia ŭ tyktoku. I niečakana videa pad ich stali zapisvać nie tolki prychilniki nacyjanalnaha ruchu.
Pry kancy minułaha i na pačatku hetaha hoda źjaviłasia niekalki rolikaŭ, zapisanych pad słovy Paźniaka na fonie dziaržaŭnaha čyrvona-zialonaha ściaha. Ździŭlaje, što patryjatyčny rolik pra biełaruskuju movu ŭ niekatorych ź ich staić pa susiedstvie ź videa ŭ padrymku rasijskaj armii ci Łukašenki.
«Jesť kto-nibud́ iz Biełoruśsii?» — padpisvaje rolik chłopiec z čyrvona-zialonaj maskaj na tvary.
Jesť kto-nibud́ iz Biełoruśsii? Ukraina na śviazi❓Rośsija zdieś?
A ŭ hetaj karystalnicy, aproč patryjatyčnaha rolika pra biełaruskuju movu, jość videa pad słovy Łukašenki «Lubimuju nie addajuć», a taksama rolik pra «Dažynki».
Nastupnaja žančyna ŭ svajoj stužcy pościła videa ŭ padtrymku rasijskaj armii z podpisami «Fašyzmu nie. Za Rasiju. Za našych dziadoŭ i pradziedaŭ» i «Na kaleniach z vami na prałom».
Jašče adno videa — na fonie hrafici ź dziaržaŭnym čyrvona-zialonym ściaham.
Apošni kantent hetaj dziaŭčyny — zbolšaha ahlady kaśmietyki. Ale sustrakajecca i videa pad pieśniu rasijskaha śpievaka Šamana sa słovami «hieroi Rasii zastanucca ŭ našych sercach».
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary