BEROC: Tempy padzieńnia ŭ IT mohuć zachavacca da lipienia-žniŭnia
Značnyja tempy padzieńnia ŭ IT-siektary mohuć zachavacca da lipienia-žniŭnia. U studzieni dadanaja vartaść u halinie źniziłasia na 13,2%. U cełym biełaruskaja ekanomika praciahnie skaračacca, adnak tempy padzieńnia VUP zamarudziacca.
Pa vynikach studzienia-lutaha jany mohuć skłaści 4—4,5% suprać 5% u studzieni. Pra heta havorycca ŭ ekspres-analizie, padrychtavanym ekanamistami centra BEROC.
«VUP Biełarusi ŭ studzieni 2023 h. skaraciŭsia na 5% h/h paśla źnižeńnia na ≈5,2% h/h miesiacam raniej. Abjom VUP (ź likvidacyjaj siezonnaści) u studzieni zastavaŭsia kala ŭzroŭniu śniežnia 2022 hoda, što blizka da siarednich značeńniaŭ 2011 i 2017 hadoŭ. Vypusk pieravažnaj bolšaści siektaraŭ ekanomiki pa — raniejšamu značna sastupaŭ davajennym pakazčykam», — havorycca ŭ ahladzie.
Takaja dynamika, pavodle aŭtaraŭ daśledavańnia, pakazvaje na toje, što praces pierabudovy vytvorča-łahistyčnych łancužkoŭ nie zavieršany.
«Pa vynikach studzienia-lutaha źnižeńnie VUP moža skłaści kala 4—4,5% h/h. Tempy skaračeńnia vypusku buduć zapavolvacca ŭ dalejšym pa miery adaptacyi biełaruskaj ekanomiki da novych realij i pry ŭmovie adsutnaści istotnych šokaŭ», — ličać u BEROC.
Ekśpierty Centra taksama adznačajuć praciah padzieńnia ŭ IT-siektary.
«Dadanaja vartaść u siektary infarmacyi i suviazi ŭpała na 13,2% h/h u studzieni paśla skaračeńnia na ≈10% h/h u śniežni minułaha hoda. Całkam mahčyma, što značnyja tempy padzieńnia vypusku ŭ IT zachavajucca da lipienia—žniŭnia biahučaha hoda — mienavita ŭ hetyja miesiacy ŭ 2022 h. adbyłosia rezkaje paharšeńnie stanu haliny», — adznačajecca ŭ ekspres-analizie.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary