«Patryjatyzmu šmat nie byvaje». Školny vajenruk z šablami adkryŭ patryjatyčny kłub, a jaho žonka — «HitArmiju»
U Stańkavie, na bazie Dziaržynskaha rajonnaha centra turyzmu i krajaznaŭstva źbirajucca adkryć novy vajenna-patryjatyčny kłub «Hrenadzior». Jaho kiraŭnik Jaŭhien Ułasievič — major zapasu, kiraŭnik pa vajenna-patryjatyčnym vychavańni ŭ Nieharelskaj siaredniaj škole №1. A taksama majstar pa abychodžańni z šablami.
U škole, piša dziaržynski partał, Ułasievič kiruje taksama vajskova-patryjatyčnym kłubam «Ajčyna». A jaho žonka — hurtkom «HitArmija». Abrevijatura nie rasšyfroŭvajecca — mahčyma, jana ŭtvorana ad słova «hitara», a mahčyma i nie.
«Patryjatyzmu šmat nie byvaje», — tłumačyć Ułasievič, navošta jany stvaryli jašče adzin patryjatyčny kłub.
«Pastajanna ŭdzielničajem u rekanstrukcyjach vajennych, — raskazvaje jon. — Maja žonka Nadzieja navučaje dziaciej ihry na hitary ŭ hurcie «HitArmija». Repiertuar u nas u asnoŭnym vajenna-histaryčny. Paśpiachova vystupajem z kancertami «Hartajučy staronki vajennaj historyi», stvarajem vajenny anturaž».
Akramia taho, ź dziećmi na bazie Dziaržynskaha rajonnaha centra turyzmu i krajaznaŭstva pravodziacca zaniatki pa dapryzyŭnaj padrychtoŭcy, taktycy i ŭzbrajeńni, jość strałkovyja trenažory.
Miarkujučy pa sacsietkach Ułasieviča, jon amatar Rasii.
Nižej možna pabačyć vystupleńnie vajenruka z šablami.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ9
Kamientary