Navukoŭcy raskazali, jaki ziemlatrus moža vytrymać AES u Astraŭcy
Jakuju vieličyniu raźlikovaha ziemlatrusu ŭličvali pry budaŭnictvie BiełAES, raspavioŭ hałoŭny navukovy supracoŭnik Centra hieafizičnaha manitorynhu NAN Biełarusi doktar fizika-matematyčnych navuk Arkadź Aronaŭ, paviedamlaje BiełTA.
Jon raskazaŭ, što dla terytoryi raźmiaščeńnia BiełAES vieličynia maksimalnaha raźlikovaha ziemlatrusu składaje siem bałaŭ pa 12-balnaj škale intensiŭnaści siejśmičnych uździejańniaŭ. Mienavita hetaja vieličynia ŭličvałasia pry budaŭnictvie Biełaruskaj atamnaj elektrastancyi.
«Akramia taho, viadomyja suadnosiny pamiž intensiŭnaściu ŭ bałach i paskareńniem ruchu hruntu, tamu pry prajektavańni siejsmastojkich abjektaŭ vykarystoŭvajecca vieličynia paskareńnia. Adznaču, što pavieličeńnie raźlikaŭ pa budaŭnictvie navat na adzin bał niasie za saboj vielmi vialikija finansavyja vydatki, tamu navukoŭcy i zabudoŭščyki nie zaŭsiody sychodziacca ŭ mierkavańniach. Tak, naprykład, u Turcyi byli mocnyja razbureńni damoŭ mienavita z-za niepraduhledžanaj niebiaśpieki pry ŭźviadzieńni budynkaŭ. Zdavałasia b, karta rajaniravańnia raźličana na dzieviać bałaŭ, a budynak razburyŭsia. Z hetaha možna zrabić vysnovu, što damy byli pabudavanyja biez uliku hetych rekamiendacyj», — padkreśliŭ Arkadź Aronaŭ.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary