Hetuju sałatu tradycyjna hatujuć uviesnu, jak tolki źjaŭlajecca pieršaja radyska.
Hałoŭnaha hieroja hetaj stravy — radysku — časta abminajuć naležnaj uvahaj, choć jana ŭtrymlivaje vialikuju kolkaść karysnych mikraelemientaŭ. U našych šyrotach radyska papularnaja ŭ kancy viasny, adnak ciapličnuju i pryvaznuju harodninu možna znajści ŭ supiermarkiecie i zaraz.
Tonka narezanyja radysku i zialonuju cybulu (asabliva kali ŭ vas cybula-šałot) spačatku lepš nienadoŭha zamačyć u salonaj vadzie — heta dobry sposab zrabić radysku mienš vostraj i krychu źmiakčyć smak syroj cybuli. Potym harodninu treba zapravić johurtam ci śmiatanaj i, kali lubicie dy majecie, dadać da jaje zielaninu. Pasuje jak spałučeńnie śviežaj miaty i kropu (pa 2 stałovyja łyžki kožnaha), tak i bazilik, kinza.
Dla sałaty spatrebiacca:
- sol i čorny pierac,
- 600—700 h narezanaj radyski,
- zialonaja cybula,
- johurt biez dabavak abo śmiatana,
- 2 stałovyja łyžki śviežavycisnutaha limonnaha soku,
- narezanaja śviežaja zielanina — heta moža być krop, miata, bazilik, kalandra ci lubaja inšaja zielanina ź miakkim smakam.
- U vialikaj miscy źmiašajcie 3 šklanki chałodnaj vady i 2 čajnyja łyžki soli — da rastvareńnia. Dadajcie radysku i cybulu; dajcie pastajać 15 chvilin.
- Adkińcie radysku i cybulu na drušlak. Vytrycie misku nasucha i źmiašajcie ŭ joj johurt i limonny sok. Dadajcie asušanuju radysku i cybulu, krop i miatu. Źmiašajcie, pasalicie i papierčycie.
Inšyja varyjanty recepta i drobnyja sakrety:
- śmiatana zamiest hreckaha johurtu robić sałatu bolš śmietankovaj na smak;
- vykarystoŭvajcie narezanuju zialonuju cybulu zamiest cybuli-šałot dla bolš miakkaha smaku (u takim vypadku cybulu ŭ chałodnaj vadzie možna i nie zamočvać);
- možna zamianić šałot čyrvonaj cybulaj i dadać maładuju kinzu zamiest kropu;
- možna dadać tonka narezany ahurok;
- trochi aliŭkavaha aleju budzie taksama vielmi darečy;
- dadajcie raskryšany kaziny syr dla bolš kremavaj tekstury i prysmaku.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
čym!? vy s uma sošli!?
k riediskie vašiej čto - jeŝie mot i połotienca prikažietie pokupať?
a dadavańnie jełki - bolš jełkavaj
spasiba kep
v koncie on dobavił - "možieš na Nivkie eto napisať".
vot. kak ̶p̶r̶i̶skazał, tak i pišu