Pres-sakratar Dziarždepartamienta ZŠA Ned Prajs na prośbu žurnalistaŭ prakamientavaŭ vizit Alaksandra Łukašenki ŭ Kitaj, adznačyŭšy, što jon prachodzić na fonie mahčymaha razhladu Kitajem nadańnia vajennaj dapamohi Rasii.
Na prośbu žurnalistaŭ prakamientavać vizit Łukašenki ŭ Piekin i staŭleńnie ZŠA da hetaha Ned Prajs adkazaŭ:
«U mianie niama niepasrednaj reakcyi na heta, za vyklučeńniem taho faktu, što heta vielmi adpaviadaje tamu, pra što my papiaredžvali. KNR i Rasija pahłybili svaje adnosiny, adnosiny, jakija ŭžo pahłyblalisia za apošnija miesiacy i, pa sutnaści, na praciahu apošnich niekalkich hadoŭ. Ale toj fakt, što Kitaj ciapier uzajemadziejničaje z Łukašenkam, jaki, pa sutnaści, sastupiŭ svoj suvierenitet Rasii, źjaŭlajecca tolki jašče adnym elemientam pahłybleńnia ŭzajemadziejańnia KNR z Rasijaj, z usimi tymi, chto ŭdzielničaje i padtrymlivaje žorstkuju vajnu Rasii suprać Ukrainy», — skazaŭ jon.
Taksama pres-sakratar Dziarždepartamienta znoŭ paćvierdziŭ zaniepakojenaść ZŠA mahčymym nadańniem vajennaj dapamohi Rasii z boku Kitaja.
«My zaniepakojenyja tym, što KNR razhladaje mahčymaść nadańnia latalnaj zbroi Rasii dla vykarystańnia jaje va Ukrainie pavodle šerahu pryčyn, u tym liku praz toje, što heta budzie mieć upłyŭ na poli boju ŭnutry Ukrainy, a taksama tamu, što KNR sprabavała zachavać pry hetym bačnaść niejtralitetu», — skazaŭ Ned Prajs.
Pavodle jaho, svaim mirnym płanam pa vajnie va Ukrainie Kitaj sprabuje pakazać siabie «sumlennym pasrednikam» adnak na słovach i na spravie jon zjaŭlajecca «kim zaŭhodna, tolki nie sumlennym pasrednikam».
«Kali pakinuć ubaku pytańnie ab latalnaj dapamozie, jakuju, na našu dumku, Kitaj jašče nie daŭ Rasii, ale razhladaje jaho, u toj ža čas Kitaj užo daŭ važnyja formy dapamohi Rasii, u tym liku ŭ kantekście jaje ahresii suprać Ukrainy. Jon nadaje Rasii dypłamatyčnuju padtrymku, palityčnuju padtrymku, ekanamičnuju padtrymku, rytaryčnuju padtrymku, u tym liku šlacham paŭtareńnia niebiaśpiečnaj rasijskaj prapahandy, chłuśni i dezinfarmacyi na suśvietnaj arenie», — adznačyŭ Prajs.
-
Śviatłana Cichanoŭskaja: Amierykanski trek vyzvaleńnia palitviaźniaŭ praciahvajecca, Tramp staviŭ zadaču viarnuć 1 300 čałaviek
-
U 100 hadoŭ pamierła dačka žančyny, jakaja nibyta vyšyła arnamient dla ściaha BSSR. A baćka jaje zahinuŭ padčas stalinskich represij
-
Śviatłana Cichanoŭskaja naviedała fest Tutaka FOTY
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary