Rasijski ŭrad unios u Dziarždumu pakiet zakonaprajektaŭ, jakija pašyrajuć pieralik złačynstvaŭ, sudzimaść pa jakich nie budzie pieraškadžać zaklučeńniu kantrakta ź Minabarony dla nastupnaj adpraŭki na vajnu suprać Ukrainy, piša The Moscow Times.
Zhodna ź inicyjatyvaj, sa śpisu abmiežavańniaŭ prapanujecca vyklučyć šerah artykułaŭ Kryminalnaha kodeksa, u tym liku ab kantrabandzie najaŭnych hrašovych srodkaŭ, udziele ŭ bandzie, niezakonnym umiašańni ŭ pracu krytyčna važnych abjektaŭ, parušeńni patrabavańniaŭ pramysłovaj biaśpieki, niezakonnym abarocie jadziernych materyjałaŭ, ich kradziažy, kantrabandzie stratehična važnych tavaraŭ i narkotykaŭ, arhanizacyi niezakonnaj mihracyi, a taksama stracie dakumientaŭ, jakija źmiaščajuć dziaržaŭnuju tajamnicu.
Pry hetym zabaronu na zaklučeńnie kantrakta prapanujecca zachavać dla asudžanych za złačynstvy suprać pałavoj niedatykalnaści niepaŭnaletnich, teraryzm, dyviersiju, špijanaž, dziaržaŭnuju zdradu i šerah inšych ciažkich złačynstvaŭ.
Ź listapada 2022 hoda ŭ Rasii dazvolili mabilizavać hramadzian, jakija majuć sudzimaści za bolšaść ciažkich złačynstvaŭ, u tym liku za zabojstvy, rabavańni, razbojnyja napady i niezakonny abarot narkotykaŭ. U červieni 2023 hoda byŭ pryniaty zakon, jaki dazvoliŭ zaklučać kantrakty na słužbu va Uzbrojenych siłach z asudžanymi i asobami, što znachodziacca pad śledstvam. Paźniej dziejańnie hetaj normy raspaŭsiudzili i na abvinavačanych, čyje spravy razhladajucca ŭ sudach.
Na fonie pašyreńnia takoj praktyki kolkaść źniavolenych u rasijskich turmach i kałonijach praciahvaje skaračacca. Pa słovach kiraŭnika Fiederalnaj słužby vykanańnia pakarańniaŭ Arkadzia Hościeva, pa stanie na maj 2026 hoda ŭ miescach pazbaŭleńnia voli znachodzilisia kala 282 tysiač čałaviek. Heta samy nizki pakazčyk z pačatku 2000‑ch hadoŭ.
Dla paraŭnańnia, na kaniec 2021 hoda ŭ rasijskich kałonijach i turmach utrymlivalisia kala 465 tysiač čałaviek. A jašče ŭ sakaviku 2026 hoda namieśnik staršyni Viarchoŭnaha suda paviedamlaŭ, što ŭ śledčych izalatarach i papraŭčych ustanovach Rasii znachodzilisia kala 308 tysiač čałaviek.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary