«Usio značna horš». Rasijskija Z-kanały ŭ jaraści ad videa z dronam u Mačuliščach
«Sam fakt nieabaronienaści avijabazy praz hod bajavych dziejańniaŭ užo havoryć dastatkova i biez našych kamientaroŭ», a «panu Špakoŭskamu» lepš pamaŭčać.
Arhanizacyja byłych biełaruskich siłavikoŭ «Bajpoł» 2 sakavika vykłała videa, na jakim maleńki dron bieśpieraškodna zalataje na vajskovy aeradrom u Mačuliščach i spakojna pryziamlajecca na miehakaštoŭny rasijski vajenny samalot A-50.
Na heta videa adrazu adreahavali papularnyja rasijskija telehram-kanały, jakija padtrymlivajuć vajnu va Ukrainie.
Reakcyju niekatorych ź ich my pryvodzim unizie.
Hirkin (Strałkoŭ): «Mnie viadoma, kudy palacieŭ paškodžany samalot»
Były ministr abarony tak zvanaj «DNR» na samo videa nie adreahavaŭ, adnak adkazaŭ biełaruskamu prapahandystu Špakoŭskamu, jaki krytykavaŭ jaho i inšych rasijskich «kaleh» za raspaŭsiudžvańnie naviny ab dyviersii ŭ Mačuliščach.
Kotsnews: «Dziravaja sistema SPA»
Aficyjozny rasijski vajenkar Alaksandr Koc u svajoj reakcyi na videa z Mačuliščaŭ napisaŭ, što heta śviedčyć pra dziry ŭ sajuznaj sistemie SPA.
Anatol Šaryj: «Chacha»
Pieršapačatkova Šaryj padumaŭ, što pieršy skaročany frahmient videa ad «Bajpoł» budzie adzinym za siońnia.
Jon pamyliŭsia.
Mardan: «Usio značna horš»
Jašče adzin Z-vajenkar padzialiŭsia padvojnaj reakcyjaj: na pieršy frahmient videa i na jaho poŭnuju viersiju.
Jon zajaviŭ, što fakt ataki jość, i ŭzhadaŭ abiacańnie Łukašenki nieadkładna adkazać na lubyja pravakacyi na terytoryi Biełarusi.
Vojennyj Ośviedomitiel: «U vypadku padryvu drona na talercy abo ŭ ruchaviku byli b katastrafičnyja nastupstvy»
Hety telehram-kanał taksama adreahavaŭ na dźvie viersii videa ŭ Mačuliščach.
Jon piša, što dron spakojna kružyć nad najkaštoŭnym vajennym samalotam, a taksama ŭkazvaje na toj fakt, što samo videa demanstruje nieabaronienaść baz z rasijskaj avijacyjaj.
Čytajcie jašče:
Krasamoŭna. Što łukašenkaŭskija kanały napisali pra vybuchi ŭ Mačuliščach
Kiraŭnik «Bajpoł»: «Va ŭsioj sistemie MUS tolki pra heta i havorać». Azaraŭ prakamientavaŭ vylet A-50 z Mačuliščaŭ
Biełaruski Hajun: Rasijski samalot u Mačuliščy nie viarnuŭsia
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna11
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1212
Kamientary