Kiraŭnik «Bajpoł»: «Va ŭsioj sistemie MUS tolki pra heta i havorać». Azaraŭ prakamientavaŭ vylet A-50 z Mačuliščaŭ
«Biełaruski Hajun» paviedamiŭ, što rasijski samalot-łakatar vylecieŭ z Mačuliščaŭ, pierasiek biełaruska-rasiejskuju miažu i nakiroŭvajecca ŭ Tahanroh na avijacyjny ramontny zavod. Jak skazaŭ «Biełsatu» kiraŭnik «Bajpoł» Alaksandr Azaraŭ, toje, što samalot zachavaŭ zdolnaść latać, nie dakazvaje spraŭnaść inšaha abstalavańnia.
«Dyviersija była ŭčynienaja z metaj paškodzić abstalavańnie, a nie sam samalot, kab jon nie ŭźlacieŭ. Mietaličnyja šaryki ŭ vybuchoŭcy paškodzili abstalavańnie, hetaha nie budzie vidać na spadarožnikavych zdymkach i źniatym zdalok videa. Kali samalot navat lacić, heta nie dakazvaje, što abstalavańnie cełaje. Kryły nie byli paškodžanyja», — skazaŭ Alaksandr Azaraŭ u kamientaryi «Biełsatu».
Azaraŭ taksama raspavioŭ pra infarmacyju ad krynic u Biełarusi, jakija śćviardžajuć, što ŭ ministerstvie ŭnutranych spravaŭ «tolki pra dyviersiju i havorać».
«My źviazvalisia z supracoŭnikami, jakija jašče pracujuć u sistemie.
U va ŭsioj sistemie MUS tolki pra heta i havorać, paćviardžajuć, što akcyja była, što šukajuć tych, chto heta ździejśniŭ. Była znojdzienaja torba, dzie byli akulary, dva pulty ad dvuch dronaŭ i zapčastki ad hetych dronaŭ. Pa ŭsioj Biełarusi šukajuć apieratara ci apierataraŭ dronaŭ».
Napiaredadni dziaržaŭnyja krynicy raspaŭsiudzili videa z samalotam, jaki ruchaŭsia pa aeradromie. Śćviardžałasia, što heta toj samy A-50, jaki atakavali partyzany, što ź im usio ŭ paradku, a ŭsia infarmacyja pra dyviersiju — fejk.
Kamientary