Biełarus parvaŭ tyktok svaimi chatnimi ciulpanami — miljony prahladaŭ
Napiaredadni 8 sakavika žychar Biełarusi pad nikam @_petrovich_v vystaviŭ u tyktoku vyraščanuju prosta ŭ svaim pakoi cełuju palanu roznakalarovych ciulpanaŭ. Hledačy heta acanili, za karotki čas videa nabrała bolš za 3,5 miljona prahladaŭ, piša «Kamsamolskaja praŭda».
U karotkim klipie biełarus Valancin Piatrovič pakazaŭ, što ŭ jaho ŭ kvatery na padłozie prosta pobač z kanapaj i ścienkaj-siervantam vyśpieli šykoŭnyja kvietki. Uładalnik hetaj chatniaj aranžarei zrazaje tolki adnu kvietku, ale vidać, što heta kropla ŭ mory.
Jahonyja padpisčyki i prosta karystalniki tyktoka byli ŭražanyja, pakinuŭšy kala 230 tysiač łajkaŭ i amal 6000 kamientaroŭ, u asnoŭnym sa słovami zachapleńnia.
Praŭda, znajšlisia i takija, chto ci bačyŭ u hetym niejkija mierkantylnyja intaresy, ci kłapaciŭsia pra susiedziaŭ, bo, maŭlaŭ, vyroščvańnie kvietak u takich umovach parušaje sanitarnyja normy. Adnak aŭtar rolika, jak akazałasia, žyvie nie ŭ kvatery ŭ šmatpaviarchoviku, a ŭ pryvatnym domie, tamu kali kamu i škodzić, to tolki samomu sabie.
Paźniej Valancin Piatrovič vypuściŭ jašče adzin klip ź ciulpanami, jaki taksama nabraŭ niamała prahladaŭ, ale ŭžo kudy mienš — «usiaho» kala 60 tysiač.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
ja javo znaju - sasied moj
eta mnie?
oj, sasiba, darahi