Novyja padrabiaznaści pra ataku na samalot u Mačuliščach: prapahandysty nazvali novyja imiony
Siońnia na telekanale «Biełaruś 1» pakazali čarhovyja siužety, pryśviečanyja atacy na samalot A-50 na vajskovym aeradromie ŭ Mačuliščach. Ź ich stała viadoma, chto jašče, aprača ŭkrainca Mikałaja Šviaca, abvinavačvajecca ŭ saŭdziele ŭ hetaj dyviersii.
Prapahandysty pakazali niejkuju Liliju Šaraj, padpisanuju jak «zatrymanaja». Jana nibyta sadziejničała Šviacu ŭślapuju.
Stryječnaja siastra Šałaj, Ała Jacuta z Rovienskaj vobłaści Ukrainy, nibyta pryjechała ŭ Minsk za dzień da ataki ŭ hości da siastry i paprasiła tuju źniać kvateru, jakaja nasamreč pryznačałasia dla Šviaca. Taksama Jacuta nibyta sustrakałasia sa Šviacom u Stolinie.
U siužecie havorycca, što Jacuta źjechała ź Biełarusi paśla taho, jak pravaliłasia evakuacyja Šviaca praz Stolin. Taksama vyjechaŭ jašče adzin čałaviek, datyčny da apieracyi. Nazyvajecca tolki jaho proźvišča — Dziomin.
Taksama ŭ siužecie paćviardžajecca, što Mikałaj Šviec byŭ zatrymany ŭ domie Nastaśsi Pilko i Aleha Syčova ŭ Baraŭlanach. A jašče raniej pakazali, jak jon prachodzić pamiežny kantrol padčas sproby ŭjechać u Biełaruś u studzieni.
Mikałaj Šviec sprabavaŭ prajści polska-biełaruskuju miažu pad Hrodna, jak śviedčyć siužet, 18 studzienia. Pamiežnik Andrej Mirončyk śćviardžaje, što toj prasiŭ jaho nie stavić u pašpart biełaruski štamp, choć mieŭ taki z polskaha boku. Hetym jon vyklikaŭ padazreńnie i byŭ dadatkova ahledžany. Ale pakolki ničoha zabaronienaha pry ŭkraincu nie znajšli, to jaho nie zatrymlivali, choć i ŭ Biełaruś nie puścili. A dabiraŭsia jon paśla ŭžo nibyta abchodnymi šlachami, praz Łatviju i Rasiju.
Čytajcie taksama:
Stali viadomyja padrabiaznaści zatrymańnia mierkavanaha «ŭkrainskaha terarysta»
KDB paćvierdziŭ, što da dyviersii ŭ Mačuliščach mieŭ dačynieńnie «Bajpoł»
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary