«Čarhovaja sproba režymu zabić sumlennuju žurnalistyku ŭ Biełarusi» — Cichanoŭskaja pra prysud Zołatavaj i Čekinaj
Śviatłana Cichanoŭskaja prakamientavała prysud hałoŭnamu redaktaru Tut.by Marynie Zołatavaj i hiendyrektaru Ludmile Čekinaj, asudžanym siońnia na 12 hadoŭ kałonii.
«Viedajecie, da 2020 hoda Tut.by byŭ dla mianie prosta sajtam, dzie ja kožny dzień čytała naviny. Užo paźniej ja paznajomiłasia ź ludźmi, jakija jaho robiać, ubačyła, jak žurnalisty i redaktary stajać adno za adnaho. I jak pradstaŭniki ŭsich biełaruskich miedyja padtrymlivajuć kaleh padčas ciažkaściaŭ. Viadoma, prysud Marynie Zołatavaj i Ludmile Čekinaj — heta čarhovaja sproba režymu zabić sumlennuju žurnalistyku ŭ Biełarusi. A jašče heta asabistaja pomsta hetym cudoŭnym žančynam i vialikim prafiesijanałkam», — adznačyła Śviatłana Cichanoŭskaja.
Jana kaža, što vielmi chacieła b abniać ich blizkich i skazać: «Pahladzicie, jak adbudavali pracu vašyja kalehi». «Jak tyja, kaho Maryna i Miła brali na pracu i vučyli, praciahvajuć ich spravu. Jak nie hublajuć moc duchu žurnalisty — i robiać mierč «va ŭsim vinavaty Tut.by», kali čarhovy raz režym abvinavačvaje ich va ŭsich biedach našaj krainy. Ja baču hetuju pracu, baču vočy ludziej, jakija za joj stajać. I absalutna nie sumniavajusia ŭ tym, što ŭsie kaštoŭnaści Miły i Maryny pieramohuć, a jany, narešcie, vyjduć na volu. A pakul śviet nie moža čuć ich samich — my budziem ich hałasami», — reziumavała Śviatłana Cichanoŭskaja.
Zołatava i Čekina — 12 hadoŭ kałonii. Na prysudzie pa spravie Tut.by ich trymali ŭ kajdankach
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary
Ale ciabie chvaluje tolki heta, a nie złačynstva łukašystau suprać ich