YouTube dazvoliŭ stvaralnikam videa dadavać dublaž na inšych movach
Heta moža dapamahčy aŭtaram pavialičyć aŭdytoryju z usiaho śvietu ŭ razy.
Zaraz karystalniki YouTube z usiaho śvietu zmohuć znachodzić usio bolš videa na ich rodnaj movie, bo videachostynh zapuściŭ novuju funkcyju, jakaja daje aŭtaram mahčymaść dadavać aŭdyjadarožki (jak da novaha, tak i da isnujučaha kantentu) na niekalkich movach. Ciaham apošniaha hoda YouTube testavaŭ šmatmoŭny dublaž z adzinkavymi stvaralnikami videa, ale ciapier jon robić funkcyju dastupnaj dla tysiač inšych aŭtaraŭ.
Novaja fiča dastupnaja, kali kliknuć na značok šaściareńki ŭ pravym nižnim kucie luboha videa, dzie aŭtar vyrašyć dadać niekalki hukavych darožak. Hety instrumient dapamoža kantentmejkieram značna pašyrać achop i kolkaść aŭdytoryi pa ŭsim śviecie. Tak, testavalniki novaj funkcyi vyjavili, što kala 15 adsotkaŭ času prahladu ich kantentu prypadaje na prajhravańnie videa na inšych movach, paviedamlaje Engaget.
Adnym z samych viadomych stvaralnikaŭ, jakija testavali šmatmoŭny instrumient YouTube, byŭ MrBeast — adzin z samych papularnych błohieraŭ na płatformie, jaki maje bolš za 130 miljonaŭ padpisantaŭ. MrBeast kiruje niekalkimi kanałami na 11 roznych movach, ale ŭ intervju jon skazaŭ, što było b značna lahčej padtrymlivać tolki adzin.
Paśla pieršaha pieraklučeńnia na abranuju movu veb-sajt budzie vykarystoŭvać jaje pa zmaŭčańni pry kožnym prahladzie videa z dastupnymi inšamoŭnymi dublažami. Hledačy taksama zmohuć šukać kantent, dublavany na ich movie, navat kali asnoŭnaja mova videa inšaja — praź pierakładzienyja zahałoŭki i apisańni. YouTube nie paviedamlaje, jak jon abiraŭ tych stvaralnikaŭ, jakija ŭžo siońnia majuć dostup da hetaj funkcyi, ale łahičnym nastupnym krokam vyhladaje zrabić jaje dastupnaj dla ŭsich.
Kamientary