«U najlepšym vypadku jon prosta idyjot». Bieły dom — pra piłota RF, jaki ŭrezaŭsia ŭ bieśpiłotnik i jakoha ŭznaharodziŭ Šajhu
Kaardynatar Rady nacyjanalnaj biaśpieki ZŠA Džon Kirbi prakamientavaŭ uznaharodžańnie ŭ Rasii piłota, čyj samalot sutyknuŭsia z amierykanskim bieśpiłotnikam nad Čornym moram.
«Ja nie viedaju nivodnaj inšaj armii ŭ śviecie, jakoj-niebudź inšaj avijacyi, jakaja b uznaharodžvała piłota za toje, što jon urezaŭsia ŭ bieśpiłotnik. Kali heta advaha, to, vidać, u ich inšaje razumieńnie», — adznačyŭ jon.
Pradstaŭnik Biełaha doma nazvaŭ takuju ŭznaharodu hłupstvam. «My nie viedajem, sprabavaŭ hety piłot źbić bieśpiłotnik naŭmysna ci nie, ale jon heta zrabiŭ, i videadokazy byli davoli pierakanaŭčymi», — skazaŭ Kirbi.
Jon nahadaŭ, što ŭ ZŠA piłotaŭ nie zaachvočvajuć urazacca ŭ jakija-niebudź pieraškody.
«Ja nie razumieju, čamu jany prysudzili ŭznaharodu za advahu lotčyku, jaki, u najhoršym vypadku, złamysna padviarhaŭ siabie i amierykanskuju ŭłasnaść vialikaj ryzycy, a ŭ najlepšym — prosta idyjot», — dadaŭ pradstaŭnik administracyi Bajdena.
Ministr abarony RF Siarhiej Šajhu 22 sakavika ŭznaharodziŭ ordenami Mužnaści lotčykaŭ samalotaŭ Su-27, jakija, pa viersii RF, pieraškodzili dronu MQ-9 parušyć «miežy rajona časovaha režymu vykarystańnia pavietranaj prastory», ustalavanaha paśla pačatku vajny.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary
A IZUVIERSKIJE MIETODY łukašienki i jeho Karatielej?!
Vot i MOŁČITIE łučšie vy o svoich "biełych domach" - "ispołkomach"!!!
Pričiom,u oboich.