Jeŭrapiejskaje kamandavańnie VPS ZŠA siońnia zajaviła, što praz «biezrazvažnyja i niekampietentnyja» dziejańni ekipaža rasijskaha samalota Su-27 nad Čornym moram nad mižnarodnymi vodami byŭ źbity raźviedvalny bieśpiłotny aparat VPS ZŠA MQ-9 Reaper.
U zajavie kamandavańnia skazana, što siońnia ŭ 7:03 pa siaredniejeŭrapiejskim časie dva rasijskija samaloty Su-27 ździejśnili «niebiaśpiečny i nieprafiesijny» pierachop drona.
Adzin z rasijskich samalotaŭ, havorycca ŭ zajavie, udaryŭ pa vincie MQ-9, u vyniku čaho amierykanskim siłam daviałosia źbić dron.
«Naš samalot MQ-9 vykonvaŭ zvyčajnyja apieracyi ŭ mižnarodnaj pavietranaj prastory, kali jon byŭ pierachopleny i źbity rasijskim samalotam, što pryviało da padzieńnia i poŭnaj straty MQ-9, — skazaŭ kamandujučy VPS ZŠA hienierał Džejms Chiekier. — Hetaje niebiaśpiečnaje i nieprafiesijnaje dziejańnie rasijan ledź nie pryviało da padzieńnia abodvuch samalotaŭ».
Chiekier dadaŭ, što samaloty ZŠA i sajuźnikaŭ praciahnuć ździajśniać paloty ŭ mižnarodnaj pavietranaj prastory — u adpaviednaści ź mižnarodnymi zakonami. «Ahresiŭnyja dziejańni» rasijskaha ekipaža «niebiaśpiečnyja i mohuć pryvieści da praliku i nienaŭmysnaj eskałacyi», padkreśliŭ hienierał.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»14
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary