Pradstaŭniki AAT «Biełaruśkalij» papiaredzili, što ašukancy pačali prapanoŭvać «lohki dachod» ad imia kampanii. Infarmacyja pra heta źjaviłasia ŭ telehram-kanale pradpryjemstva.
Rekłama nibyta vyhadnaha inviestavańnia źjaviłasia ŭ sacsietkach, u tym liku ŭ instahramie. Zarobak prapanujuć ad 10 tys. rubloŭ na miesiac, a niekatoryja fejkavyja akaŭnty i ad 25 tys. rubloŭ. Karystalnikam sacsietak ašukancy paviedamlajuć, što možna zarablać «ad 100% svajho ŭkładu na tydzień».
«Biełaruśkalij» aficyjna zajaviŭ, što nie pravodzić i nie płanuje jakija-niebudź «prahramy inviestavańnia». Niama ŭ kampanii i finansavych mierapryjemstvaŭ z vykarystańniem sacyjalnych sietak.
Na pradpryjemstvie dadali, što ŭsie akaŭnty, jakija raźmiaščajuć infarmacyju ab mahčymaści inviestycyj, dačynieńnia da «Biełaruśkaliju» nie majuć.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary