U NATA padkreślili, što na hety momant nie nazirajuć nijakich źmien u jadziernaj palitycy Rasii i nie bačać nieabchodnaści mianiać svaju.
NATA raskrytykavała Rasiju za «niebiaśpiečnuju i biezadkaznuju» jadziernuju rytoryku paśla taho, jak prezident Uładzimir Pucin zajaviŭ, što RF raźmieścić taktyčnuju jadziernuju zbroju ŭ Biełarusi. Pra heta paviedamlaje ahienctva Reuters u niadzielu, 26 sakavika.
«NATA prajaŭlaje pilnaść, i my ŭvažliva sočym za situacyjaj. My nie nazirajem nijakich źmien u jadziernaj palitycy Rasii, jakija prymusili b nas skarektavać svaju ŭłasnuju», — zajaviŭ pradstaŭnik aljansu.
Tłumačeńnie Pucina, što RF raźmiaščaje jadziernuju zbroju ŭ Biełarusi, tak jak krainy NATA taksama raźmiaščajuć jaje na svaich terytoryjach, «całkam uvodzić u zman», dadali ŭ aljansie.
«Sajuźniki pa NATA dziejničajuć pry poŭnym vykanańni svaich mižnarodnych abaviazańniaŭ. Rasija paśladoŭna parušała svaje abaviazańni pa kantroli nad uzbrajeńniami, zusim niadaŭna prypyniŭšy svoj udzieł u novym Dahavory ab stratehičnym nastupalnym uzbrajeńni», — zajaviŭ pradstaŭnik NATA.
Raniej stała viadoma, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi.
Ministerstva abarony ZŠA paviedamiła, što niama nijakich prykmiet, jakija pakazvali b na toje, što Rasija rychtujecca ŭžyć jadziernuju zbroju.
Kizim pra jadziernuju zbroju ŭ Biełarusi: Zrazumieła, navošta heta Pucinu, ale navošta biełarusam?
Bałharyja zaklikała da pieramoŭ paśla słoŭ Pucina pra jadziernuju zbroju ŭ Biełarusi
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
Dva dyktatary, jakija zahulalisia ŭ vajnu, zrabili ź Biełarusi cel dla ŭdaru — Cichanoŭskaja
Vajskovy analityk: rašeńnie rasijskaha kamandavańnia pačać zimovy nastup było pamyłkaj i padarunkam dla Ukrainy
Kamientary