Tysiačy videakamier ustalavana pa ŭsioj krainie — u režymie realnaha času ź ich dapamohaj milicyja sočyć za tym, što adbyvajecca ŭ hramadskich miescach. Narada ab raźvićci novaj sistemy videamanitorynhu prajšła ŭ Minharvykankamie, paviedamili ŭ pres-słužbie MUS.
MUS sfarmavała čatyry pieraliki abjektaŭ u Biełarusi, jakija buduć abstalavany videanazirańniem i śpiecyjalnymi detektarami, raskazaŭ namieśnik unutranych spraŭ — načalnik kryminalnaj milicyi Hienadź Kazakievič. Pieralik abjektaŭ nie byŭ apubličany.
Kazakievič raspavioŭ, što ŭ novym farmacie sistema pačała pracavać sa śniežnia minułaha hoda, i za hety čas ź jaje dapamohaj tolki ŭ Minsku było raskryta bolš za 40 złačynstvaŭ. Pavodle jaho, kamiery dapamahli ŭstanavić ludziej, jakija majuć dačynieńnie da teraktu na vajskovym aeradromie ŭ Mačuliščach u kancy lutaha 2023 hoda.
Kiraŭnik MUS Ivan Kubrakoŭ adznačyŭ, što sistema manitorynhu «aktualna dla ŭsich rehijonaŭ respubliki». Adnak, pavodle jaho, spačatku nieabchodna palepšyć techničnyja mahčymaści kamier dla dakładnaha raspaznavańnia tvaraŭ i numarnych znakaŭ aŭto.
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary