Тысячы відэакамер усталявана па ўсёй краіне — у рэжыме рэальнага часу з іх дапамогай міліцыя сочыць за тым, што адбываецца ў грамадскіх месцах. Нарада аб развіцці новай сістэмы відэаманіторынгу прайшла ў Мінгарвыканкаме, паведамілі ў прэс-службе МУС.
МУС сфармавала чатыры пералікі абʼектаў у Беларусі, якія будуць абсталяваны відэаназіраннем і спецыяльнымі дэтэктарамі, расказаў намеснік унутраных спраў — начальнік крымінальнай міліцыі Генадзь Казакевіч. Пералік абʼектаў не быў апублічаны.
Казакевіч распавёў, што ў новым фармаце сістэма пачала працаваць са снежня мінулага года, і за гэты час з яе дапамогай толькі ў Мінску было раскрыта больш за 40 злачынстваў. Паводле яго, камеры дапамаглі ўстанавіць людзей, якія маюць дачыненне да тэракту на вайсковым аэрадроме ў Мачулішчах у канцы лютага 2023 года.
Кіраўнік МУС Іван Кубракоў адзначыў, што сістэма маніторынгу «актуальна для ўсіх рэгіёнаў рэспублікі». Аднак, паводле яго, спачатку неабходна палепшыць тэхнічныя магчымасці камер для дакладнага распазнавання твараў і нумарных знакаў аўто.
-
Магістратура ў Еўропе — выдатны шанец атрымаць еўрапейскую адукацыю і застацца жыць і працаваць у Еўрасаюзе. Што трэба для паступлення
-
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі
-
Цой прывёў да Багдановіча: японскі адвакат распавёў, як зацікавіўся беларускай культурай і вывучыў мову
Каментары