U Minabarony zajavili ab hatoŭnaści da baraćby z «zanadta razrekłamavanaj» HIMARS i BPŁA
Biełaruskija zienitčyki hatovy da baraćby z reaktyŭnymi sistemami załpavaha ahniu HIMARS i bieśpiłotnymi latalnymi aparatami roznych typaŭ. Pra heta ŭ intervju telekampanii Minabarony «VajenTB» zajaviŭ načalnik štaba zienitnych rakietnych vojskaŭ Vajskova-pavietranych sił i vojskaŭ supraćpavietranaj abarony respubliki pałkoŭnik Dźmitry Panin.
«Infarmacyjaj [ab prymianieńni HIMARS va Ukrainie] my vałodajem u poŭnym abjomie. Treba skazać, što HIMARS, moža być, zanadta mocna razrekłamavana. Heta zvyčajnaja balistyčnaja cel, jakaja maje svaje asablivaści. Ubudavanaja trenažnaja aparatura [jakaja na ŭzbrajeńni vojskaŭ SPA Biełarusi] rakietnych sistem i kompleksaŭ dazvalaje adpracoŭvać dziejańni raźlikaŭ pa hetym typie mišeniaŭ.
Akramia taho, na [rasijskim] palihonie Ašułuk my nieadnarazova vykonvali zadačy pa celach, jakija imitavali pracu HIMARS. U hetym vypadku dla nas, skažam tak, mocna novaha niama ničoha», — skazaŭ načalnik štaba.
Havoračy ab procidziejańni BPŁA, pałkoŭnik adznačyŭ, što i tut dla biełaruskich vajskoŭcaŭ niama niemahčymaha.
«Pry ŭvachodzie ŭ zonu paražeńnia [BPŁA] buduć harantavana źniščany. Jany majuć vialikuju efiektyŭnuju pavierchniu raśsiejvańnia, davoli nievialikija chutkaści, što dla nas zjaŭlajecca prostaj pavietranaj cellu», — adznačyŭ Panin.
«Kali brać bieśpiłotnyja latalnyja aparaty apieratyŭnaha pryznačeńnia, to, znoŭ ža, [dla procidziejańnia im prymianiajucca] zienitnyja rakietnyja sistemy siaredniaj dalokaści, heta S-300, «Buk» pa ich dobra pracuje. Pa drabniejšych taktyčnych elemientach bieśpiłotnaj avijacyi — najnoŭšy zienitny rakietny kompleks «Tor-M2», — dadaŭ načalnik štaba.
Pałkoŭnik adznačyŭ, što zienitnyja rakietnyja vojski Biełarusi aktyŭna analizujuć vopyt praviadzieńnia śpiecyjalnaj vajennaj apieracyi va Ukrainie. «Apieratyŭna ŭniesieny źmieny ŭ kursy padrychtoŭki zienitnych rakietnych vojskaŭ, dzie my ŭličyli ŭsie asablivaści dziejańniaŭ. Užo bolš jak hod my niasiom bajavoje dziažurstva ŭzmocnienym składam», — skazaŭ jon.
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary
Kali źbivać pačniocie, palihonnyja hieroi?
Nahadvaje staruju pokazku:
— A tabie Beatles padabajecca?
— Dy nie, fihnia niejkaja.
— A ty jakija pieśni słuchaŭ?
— ja nie słuchaŭ, mnie Fiedzia praśpiavaŭ.