Reštki staradaŭniaha budynka i artefakty XVII stahodździa znajšli ŭ centry Pinska kamunalniki
U centry Pinska padčas zamieny ciepłavych sietak vyjaŭleny reštki staradaŭniaha budynka ź piečču i inšyja histaryčnyja artefakty, piša Biełta.
«Kali pačali pravodzicca ziemlanyja raboty, u nas było padazreńnie, što zmožam zafiksavać reštki draŭlanaj zabudovy XIX stahodździa. Adnak usio akazałasia bolš hłyboka. Rabočyja vykopvali katłavan i vyjavili, što traplajucca frahmienty kulturnaha płasta: reštki bitaha posudu, a ŭ profili ścienki idzie vielmi cikavy abjekt. Kali my pryjechali siudy z hetym raźbiracca, zrazumieli, što pa fakcie majem druhuju pałovu XVII stahodździa. U nas iduć reštki budynka ź piečkaj, jakaja raźmiaščajecca na značnaj hłybini, i padpiečnaja jama zapoŭniena roznaha rodu artefaktami. Heta frahmienty bitaha posudu, mietaličnyja vyraby», — raspaviali ŭ Instytucie historyi NAN.
Dziakujučy daśledavańniam archieołahi zrabili vysnovu, što hety ŭčastak byŭ dakładna zasieleny z druhoj pałovy XVII stahodździa i Pinsk razrastaŭsia ŭ kirunku da sučasnaha čyhunačnaha vakzała.
Navukoŭcy padkreślivajuć, što Pinsk vałodaje bahatym kulturnym płastom. Hety horad źjaŭlajecca pierlinaj Biełarusi i Paleśsia nie tolki ŭ turystyčnym, ale i ŭ navukovym płanie.
Kamientary