Pierad vizitam patryjarcha Kiryła ŭ Brest miascovych śviataroŭ adpraŭlajuć zdać analizy
Vizit patryjarcha Maskoŭskaha i ŭsiaje Rusi Kiryła ŭ Brest, zapłanavany na 21—22 červienia, supravadžajecca niečakanymi mierami biaśpieki.
Miascovym śviataram, jakija buduć udzielničać u supolnym bohasłužeńni z kiraŭnikom RPC, vystavili patrabavańnie prajści dadatkovuju pravierku, uklučajučy zdaču analizaŭ, piša «Chryścijanskaja Vizija».
Pa jakoj schiemie adbyvajecca pracedura i što šukajuć miedyki, nie paviedamlajecca, adnak sami pradstaŭniki duchavienstva adznačajuć, što padčas raniejšych vizitaŭ patryjarcha praviły byli praściejšymi.
Pryjezd patryjarcha Kiryła ŭ Brest prymierkavany da dźviuch dat — 85‑j hadaviny pačatku Vialikaj Ajčynnaj vajny i 1000‑hodździa z dnia śmierci kniazia Uładzimira.
Ranicaj 21 červienia adbudziecca liturhija ŭ Śviata-Uvaskrasienskim sabory Bresta, dzie dla viernikaŭ vystaviać moščy kniazia Uładzimira. Na słužbu čakajecca pryjezd jepiskapaŭ ź Biełarusi, Rasii, Polščy i Ukrainy.
U noč na 22 červienia patryjarch Kirył naviedaje Bresckuju krepaść, dzie adsłužyć lityju i dałučycca da tradycyjnaha mitynhu-rekvijema.
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Kak ich tolko ziemla nosit ((