Krejh Vudkraft bolš nie budzie treniravać chakiejnaje «Dynama». Jahonaja karjera ŭ Minsku skončyłasia parazaj jahonaj kamandy ŭ hulni z Łukašenkam
Kantrakt z kanadskim śpiecyjalistam zakančvajecca 30 krasavika. I, jak paviedamlaje pres-słužba minskaha «Dynama», jon bolš nie budzie hałoŭnym trenieram kamandy.
Siezon 2022/23 dla Vudkrafta staŭ čaćviortym zapar i piatym u cełym jak hałoŭnaha treniera «zubroŭ». Usiaho kanadziec pravioŭ la rula kamandy 303 matčy, što źjaŭlajecca rekordam kłuba.
Za čas jaho pracy «Dynama» čatyry razy vychodziła ŭ płej-of, pryčym trojčy zapar, ale kožny raz spyniałasia na pieršym raŭndzie.
24 sakavika, užo paśla vyletu z płej-of KCHŁ, «Dynama» praviało sparynh z kamandaj Łukašenki i prajhrała ź likam 13:15. Paśla toj hulni palityk parazmaŭlaŭ z trenieram i raskrytykavaŭ jaho pracu.
«Kali b u Amierycy i Kanadzie stolki kiraŭniki rabili dla chakieja, kolki ŭ nas, jany b u kosmasie byli. A vy tut cialopajeciesia tudy-siudy ŭ hetym płej-of. Čakajem u nastupnym hodzie ad vas sapraŭdnaj hulni», — skazaŭ tady Łukašenka, ale ŭ nastupnym hodzie «Dynama» budzie kiravać inšy śpiecyjalist.
Taksama Vudkraft źjaŭlajecca hałoŭnym trenieram zbornaj Biełarusi pa chakiei. Jon zapomniŭsia ŭdziełam u «pakajalnym» videa, kali kamanda pravaliła adbor na Alimpijadu.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB22
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary