Rasija i AAE damovilisia ab sumiesnaj baraćbie suprać ZŠA i Vialikabrytanii — źlivy
Heta vyciakaje z unutranych pieramoŭ ahientaŭ FSB, jakich padsłuchoŭvali amierykancy.
Pavodle niadaŭnich uciečak amierykanskich sakretnych dakumientaŭ Rasija i Abjadnanyja Arabskija Emiraty pahadzilisia pracavać razam suprać śpiecsłužbaŭ ZŠA i Vialikabrytanii. Pra heta 12 krasavika paviedamiła ahienctva Associated Press sa spasyłkaj na adzin sa źlitych dakumientaŭ.
Jak piša ahienctva, hety dakumient pad nazvaj «Rasija / AAE: pahłybleńnie vyviedvalnych adnosin» źmiaščaje ŭ sabie infarmacyju ab telefonnych zvankach i elektronnych paviedamleńniach supracoŭnikaŭ FSB, jakija pierachapili i prasłuchoŭvali amierykancy.
ZŠA ličać, što AAE i Rasija chočuć skarystacca ŭsio bolšym addaleńniem Złučanych Štataŭ ad blizkaŭschodniaha rehijona.
«Pavodle źviestak vyviedki, u siaredzinie studzienia pradstaŭniki słužby biaśpieki AAE i FSB Rasii damovilisia ab sumiesnym supraćdziejańni amierykanskim i brytanskim śpiecsłužbam. AAE, umacoŭvajučy adnosiny z rasijskaj vyviedkaj, mahčyma, žadajuć zaścierahčy siabie na fonie ŭsio bolšaha addaleńnia ZŠA ad rehijona», — havorycca ŭ sakretnym dakumiencie.
Pry hetym, jak adznačaje AP, u dakumiencie ničoha nie skazana ab tym, ci było zaklučana pamiž AAE i Rasijaj pa hetaj temie jakoje-niebudź aficyjnaje pahadnieńnie, albo ci źjaŭlajucca pierachoplenyja razmovy ahientaŭ FSB naŭmysnaj dezynfarmacyjaj dla ŭviadzieńnia ZŠA ŭ zman.
Aficyjnyja asoby AAE, darečy, užo paśpieli adchryścicca ad dakumienta, nazvaŭšy jaho śćviardžeńni i vysnovy «całkam chłuślivymi».
«My abviarhajem lubyja śćviardžeńni adnosna jakich-niebudź pahadnieńniaŭ ab pahłybleńni supracoŭnictva pamiž našaj słužbaj biaśpieki i śpiecsłužbami inšych krain suprać kaho b tam ni było», — pryvodzić aficyjnuju zajavu AAE ahienctva Associated Press.
ZŠA ž, pavodle infarmacyi ahienctva, zusim admovilisia kamientavać źmiest dakumienta i jaho sapraŭdnaść.
Nahadajem, što niadaŭna ŭ amierykanskich uciečkach vyjavilisia padrabiaznaści ab dyviersii ŭ Mačuliščach i jaje mahčymych arhanizatarach.
Akramia taho, źlityja dakumienty raspaviali ab niekalkich «nievierahodnych» scenarach dalejšaha raźvićcia vajny va Ukrainie i ab paŭsiudnym praniknieńni amierykanskaj vyviedki ŭ palityčnyja i vajskovyja struktury Rasii.
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy6
Kamientary
Pro cie pišie Forbes z posiłańniam na klijentiv banku ta džierieła na bankivśkomu rinku. Žurnalisti oznajomilisia z listom i źjasuvali, ŝo novi obmiežieńnia torknuťsia rosijan, jaki nie je riezidientami JeS, Jevropiejśkoji jekonomičnoji zoni abo Šviejcariji. Najavnisť riezidientstva v OAJE nie nadaje možlivosti obijti novi praviła.
U samomu listi vkazujeťsia, ŝo Emirates NBD vvodiť obmiežieńnia vidpovidno do "diriektivi JeS". Za słovami odnoho z džierieł, taki diji banku možuť buti obumovleni vimohami jevropiejśkich diepozitarijiv Clearstream i Euroclear. Vodnočas v inšich bankach OAJE povidomleń pro podibni vimohi nie otrimuvali.
https://www.unian.ua/economics/finance/odin-z-naybilshih-bankiv-oae-pochav-blokuvati-rahunki-rosiyan-12218763.html