Dakumienty, što trapili ŭ publičny dostup, pakazvajuć, što ZŠA atrymlivajuć infarmacyju z amal kožnaj rasijskaj śpiecsłužby
Praanalizavaŭšy dakumienty ZŠA i NATO, jakija trapili ŭ publičny dostup, žurnalisty New York Times pryjšli da vysnovy, što amierykancy majuć vydatnyja krynicy ŭ rasijskim Hienštabie i ŭ śpiecsłužbach RF, adkul atrymlivajuć sakretnyja źviestki. A voś ad svaich ukrainskich kaleh jany atrymlivajuć mienš infarmacyi.
Sakretnyja dakumienty Pientahona demanstrujuć, nakolki hłyboka ZŠA ŭdałosia ŭkaranicca ŭ rasijskija słužby biaśpieki i vyviedki, piša New York Times, jakaja praanalizavała materyjały, jakija vyciekli ŭ sieciva.
Ź ich vynikaje, što ZŠA tak ci inakš atrymlivajuć infarmacyju z amal kožnaj rasijskaj śpiecsłužby. Naprykład, u adnym z dakumientaŭ z paznakaj «całkam sakretna» abmiarkoŭvajucca płany rasijskaha Hienštaba ŭ supraćdziejańni tankam, jakija krainy NATO pastaŭlali Ukrainie.
Z materyjałaŭ taksama vynikaje, što amierykanskija śpiecsłužby ŭ režymie realnaha času papiaredžvali ŭkrainskija ŭłady pra čas naniasieńnia ŭdaraŭ Rasijaj i navat pra kankretnyja celi hetych napadaŭ, i takim čynam davali mahčymaść Ukrainie pryniać abarončyja miery.
Spravazdačy vyviedki pakazvajuć i na toje, što Złučanyja Štaty sočać za najvyšejšym vajskovym i palityčnym kiraŭnictvam Ukrainy. Heta adlustroŭvaje sproby Vašynhtona atrymać dakładnaje ŭjaŭleńnie ab vajennaj stratehii Ukrainy.
«Hetyja materyjały paćviardžajuć ideju, daŭno ahučanuju pradstaŭnikami vyviedki: ZŠA majuć bolš dakładnaje ŭjaŭleńnie pra rasijskija vajskovyja apieracyi, čym pra ŭkrainskija płany», — piša NYT.
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary
Sotrudničajut rf i sša podnym chodom