Расія і ААЭ дамовіліся аб сумеснай барацьбе супраць ЗША і Вялікабрытаніі — злівы
Гэта выцякае з унутраных перамоў агентаў ФСБ, якіх падслухоўвалі амерыканцы.
Паводле нядаўніх уцечак амерыканскіх сакрэтных дакументаў Расія і Аб'яднаныя Арабскія Эміраты пагадзіліся працаваць разам супраць спецслужбаў ЗША і Вялікабрытаніі. Пра гэта 12 красавіка паведаміла агенцтва Associated Press са спасылкай на адзін са злітых дакументаў.
Як піша агенцтва, гэты дакумент пад назвай «Расія / ААЭ: паглыбленне выведвальных адносін» змяшчае ў сабе інфармацыю аб тэлефонных званках і электронных паведамленнях супрацоўнікаў ФСБ, якія перахапілі і праслухоўвалі амерыканцы.
ЗША лічаць, што ААЭ і Расія хочуць скарыстацца ўсё большым аддаленнем Злучаных Штатаў ад блізкаўсходняга рэгіёна.
«Паводле звестак выведкі, у сярэдзіне студзеня прадстаўнікі службы бяспекі ААЭ і ФСБ Расіі дамовіліся аб сумесным супрацьдзеянні амерыканскім і брытанскім спецслужбам. ААЭ, умацоўваючы адносіны з расійскай выведкай, магчыма, жадаюць засцерагчы сябе на фоне ўсё большага аддалення ЗША ад рэгіёна», — гаворыцца ў сакрэтным дакуменце.
Пры гэтым, як адзначае AP, у дакуменце нічога не сказана аб тым, ці было заключана паміж ААЭ і Расіяй па гэтай тэме якое-небудзь афіцыйнае пагадненне, альбо ці з'яўляюцца перахопленыя размовы агентаў ФСБ наўмыснай дэзынфармацыяй для ўвядзення ЗША ў зман.
Афіцыйныя асобы ААЭ, дарэчы, ужо паспелі адхрысціцца ад дакумента, назваўшы яго сцвярджэнні і высновы «цалкам хлуслівымі».
«Мы абвяргаем любыя сцвярджэнні адносна якіх-небудзь пагадненняў аб паглыбленні супрацоўніцтва паміж нашай службай бяспекі і спецслужбамі іншых краін супраць каго б там ні было», — прыводзіць афіцыйную заяву ААЭ агенцтва Associated Press.
ЗША ж, паводле інфармацыі агенцтва, зусім адмовіліся каментаваць змест дакумента і яго сапраўднасць.
Нагадаем, што нядаўна ў амерыканскіх уцечках выявіліся падрабязнасці аб дыверсіі ў Мачулішчах і яе магчымых арганізатарах.
Акрамя таго, злітыя дакументы распавялі аб некалькіх «неверагодных» сцэнарах далейшага развіцця вайны ва Украіне і аб паўсюдным пранікненні амерыканскай выведкі ў палітычныя і вайсковыя структуры Расіі.
Каментары
Про це пише Forbes з посиланням на клієнтів банку та джерела на банківському ринку. Журналісти ознайомилися з листом і з'ясували, що нові обмеження торкнуться росіян, які не є резидентами ЄС, Європейської економічної зони або Швейцарії. Наявність резидентства в ОАЕ не надає можливості обійти нові правила.
У самому листі вказується, що Emirates NBD вводить обмеження відповідно до "директиви ЄС". За словами одного з джерел, такі дії банку можуть бути обумовлені вимогами європейських депозитаріїв Clearstream і Euroclear. Водночас в інших банках ОАЕ повідомлень про подібні вимоги не отримували.
https://www.unian.ua/economics/finance/odin-z-naybilshih-bankiv-oae-pochav-blokuvati-rahunki-rosiyan-12218763.html