Rektar BDU pryznaŭ, što biełaruskija navukoŭcy i daśledčyki apynulisia ŭ infarmacyjnym vakuumie
Andrej Karol raskazaŭ pra składanaści dostupu da baz danych.
Ciapier u daśledčykaŭ u Biełarusi, pa słovach Karala, jość prablemy z dostupam da navukovych baz danych.
«Jak i ŭsie rasijskija i biełaruskija VNU, BDU vykinuli z rejtynhu U-Multirank. Niekatoryja rejtynhi stali chavać padrabiaznuju infarmacyju, inšyja prybirali pramyja hipierspasyłki, kab nie rekłamavać našy ŭniviersitety. Ale heta drobnyja paskudstvy, jany mała na što ŭpłyvajuć.
Horš situacyja z bazami danych. Pastaŭščyki paŭnatekstavych i refieratyŭnych navukovych baz danych zakryli svaje pradstaŭnictvy ŭ Biełarusi i Rasii. Tamu my akazalisia ŭ niekatorym infarmacyjnym vakuumie, stała bolš składana manitoryć situacyju i znachodzić śviežyja navukovyja artykuły.
(…) Jak by my taho ni chacieli, ale anhłamoŭnyja ekśpierty adčuvajuć cisk sa svajho boku z-za palityčnaj situacyi. Chutčej, u akademičnych apytańniach my stracim peŭnuju dolu hałasoŭ. Cytavać raboty biełaruskich navukoŭcaŭ buduć radziej. Usio heta adabjecca na rejtynhach praź niekalki hadoŭ», — raskazaŭ rektar BDU ŭ intervju BiełTA.
Jon dadaŭ, što ŭniviersitet «praciahvaje sistemnuju i ŭzmocnienuju pracu pa papularyzacyi BDU ŭ rejtynhach».
Čytajcie taksama:
Zatrymali kandydatku navuk i dacentku BDU Aksanu Ułanovič
Adzin z brytanskich univiersitetaŭ abjaviŭ nabor na doktarskuju prahramu pa temie Biełarusi
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak14
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary