Hłytać batarejki nie rekamiendujecca. Ale časam miedycynskija prybory, pryznačanyja dla hłytańnia, usio ž utrymlivajuć elemienty siłkavańnia. Novy typ jadomych batarej moža zrabić takija pryłady bolš biaśpiečnymi dla vykarystańnia.
Ekśpierymientalnaja jadomaja batareja raspracavanaja ŭ italjanskim technałahičnym instytucie (IIT). U jaje asnovie lažać bijachimičnyja akiślalna-adnaŭlenčyja reakcyi, padobnyja na tyja, što vypracoŭvajuć enierhiju ŭ kletkach čałavieka i inšych žyvioł.
Anod batarei składajecca z rybafłavinu (jon ža vitamin V2), a katod — z kviercetynu. Abodva rečyvy ŭtrymlivajucca ŭ pryrodzie ŭ roznych raślinach i inšych praduktach charčavańnia. Dla pavyšeńnia pravodnaści dadatkova vykarystoŭvajecca aktyvavany vuhal.
Elektralit zasnavany na vadzie, a sieparatar (pranikalnaja miembrana pamiž anodam i katodam, jakaja praduchilaje karotkija zamykańni) vyrableny z marskich vodaraściaŭ nory, jakija zvyčajna vykarystoŭvajucca ŭ sušy. Narešcie, dva kantakty z charčovaj załatoj folhi na anodzie i katodzie pakrytyja pčalinym voskam.
Paśla zaradki akumulatar vydaje 0,65 volta i zdolny zabiaśpiečyć tok u 48 mikraampier na praciahu 12 chvilin abo niekalkich mikraampier ciaham hadziny. Choć heta nie vielmi ŭražvaje, pa słovach navukoŭcaŭ, hetaha dastatkova, kab siłkavać nievialikija elektronnyja pryłady, takija jak śviatłodyjody ź nizkim enierhaspažyvańniem.
Pa słovach viadučaha aŭtara daśledavańnia Maryjo Kajroni, takija batarejki mohuć stać asnovaj dla jadomych pryład i datčykaŭ, jakija dazvolać kantralavać stan zdaroŭja pacyjentaŭ. Taksama jany mohuć być karysnyja pry stvareńni kampaktnych sensaraŭ dla manitorynhu ŭmoŭ zachoŭvańnia ježy.
Jašče adna patencyjnaja śfiera vykarystańnia — elektronnyja dziciačyja cacki, dla jakich vysokaja ryzyka prahłynańnia. Kali dzicia ŭsio ž prahłynie takuju cacku, možna budzie prynamsi nie turbavacca adnosna taho, što jano atrucicca taksičnym elektralitam.
Na hety momant navukoŭcy pracujuć nad stvareńniem jadomych batarejek bolšaj mahutnaści i mienšaha pamieru. Apisańnie raspracoŭki apublikavanaje ŭ časopisie Advanced Materials.
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier5
Kamientary