Vajna

«Kontrnastupleńnie na ŭschodzie ŭžo idzie» — namieśnica ministra abarony Ukrainy

Namieśnica ministra abarony Ukraina Hanna Malar zajaviła, što kontrnastupleńnie nie varta zvodzić da niejkich aktyŭnych nastupalnych dziejańniaŭ i kankretnych dat. Pavodle jaje słoŭ, heta kompleks mier, i na ŭschodzie ŭžo ciapier iduć kontrnastupalnyja dziejańni USU.

Hanna Malar. Skrynšot z efiru telemarafonu

U efiry ahulnanacyjanalnaha telemarafonu Hanna Malar zajaviła:

«Nie treba zvodzić publična kontrnastupleńnie tolki da niejkich aktyŭnych nastupalnych dziejańniaŭ, tamu što havorka idzie pra stratehičnuju metu USU — vyzvalić usie našy terytoryi. My nacelenyja na vyzvaleńnie terytoryi i my nacelenyja na spynieńnie voraha ŭ jaho nastupalnych dziejańniach.

Tamu kazać vuzka pra kontrnastupleńnie — niekarektna. Heta vielizarny kompleks dziejańniaŭ i mierapryjemstvaŭ, jakija ažyćciaŭlajuć USU. Heta pierš za ŭsio padrychtoŭka ludziej da kompleksu dziejańniaŭ — i da abarončych, i da nastupalnych.

Ale ŭsio razam, kali my havorym pra našu stratehičnuju metu, heta možna nazvać mierami kontrnastupalnych dziejańniaŭ. Jany ŭklučajuć padrychtoŭku techniki, ludziej, padrychtoŭku reziervu, farmiravańnie taktyki (płanaŭ «A», «B», «V», tamu što nie moža być tolki adnaho varyjanta dziejańniaŭ, bo vorah taksama reahuje na heta).

I treba razumieć, što takija rašeńni prymajucca za vielmi karotki termin, a nie za miesiac-dva. Płan kančatkova abirajecca takim čynam, kab vorah nie zmoh adreahavać.

Vy pavinny razumieć, što USU na siońnia nie rychtujuć niešta adno ŭ niejkim kankretnym kirunku, a treba razumieć, što USU štodnia rychtujucca da poŭnaha vyzvaleńnia našych terytoryj, a nie tolki kontrnastupleńnia…».

Namieśnica ministra abarony adznačyła taksama, što aktyŭnyja šturmavyja dziejańni ŭ Bachmucie, Marjincy na Aŭdziejeŭskim, Limanskim napramkach frontu taksama možna ličyć elemientam kontrnastupleńnia. Pa słovach Malar, vajskoŭcy nie abmiarkoŭvajuć publična ci navat pamiž saboj płany Uzbrojenych sił pa kontrnastupleńni. Jana ŭdakładniła, što płany USU zaležać ad mahčymaściaŭ ukrainskaj armii i ad infarmacyi pra stan voraha.

Kamientary

Ciapier čytajuć

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Usie naviny →
Usie naviny

Papa Francišak musić nanoŭ vučycca razmaŭlać paśla kisłarodnaj terapii

Što za siekta «IVDIVO», 15 čałaviek jakoj zatrymali siłaviki, i čamu ŭ Biełarusi ŭzialisia za jaje tolki ciapier2

Modniki padrazajuć sabie viejki — što adbyvajecca?12

Śpiecpasłańnik Trampa: Kiraŭnictva Ukrainy pahadziłasia z praviadzieńniem prezidenckich vybaraŭ13

Limit vypłat pa jeŭrapratakole vyras z 800 jeŭra da 6300 rubloŭ1

U Minsku chutkaść arendnych samakataŭ źbirajucca źnizić da 20 km/h, a ŭ centry — da 7 km/h7

Pry Mirskim zamku ŭznaŭlajuć italjanski sad XVIII stahodździa. Kompleks čakaje maštabnaja razbudova5

Nieviadomyja apahanili statuju Uejna Hrecki ŭ Edmantanie3

Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ2

bolš čytanych navin
bolš łajkanych navin

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Hałoŭnaje
Usie naviny →

Zaŭvaha:

 

 

 

 

Zakryć Paviedamić