Ukraina paprosić zachodnich sajuźnikaŭ terminova pastavić rakiety dla SPA — Financial Times
Kijeŭ maje namier prasić zachodnich sajuźnikaŭ ab terminovych pastaŭkach zienitnych rakiet dla ŭkrainskich sistem supraćpavietranaj abarony, paviedamlaje hazieta Financial Times sa spasyłkaj na krynicy. Pavodle ich źviestak, Ukraina vystupić z takoj prośbaj na sustrečy, jakaja projdzie 21 krasavika na avijabazie Ramštajn u Niamieččynie.
Va Ukrainie aścierahajucca, što vostry niedachop bojeprypasaŭ dla SPA dazvolić rasijskim vajskoŭcam adnavić masiravanyja abstreły. U svaju čarhu na Zachadzie ličać, što biez naležnaj supraćpavietranaj abarony daŭno zapłanavany ŭkrainski kontrnastup moža sarvacca, piša vydańnie.
Adzin ź jeŭrapiejskich čynoŭnikaŭ u hutarcy z Financial Times adznačyŭ, što ŭkraincy ŭsio čaściej padymajuć temu SPA małoj dalokaści. Ź jahonych słoŭ, kali USU vydatkujuć usie zapasy rakiet dla supraćpavietranaj abarony, heta adkryje prastoru rasijskaj avijacyi ź niekiravalnymi bombami, i va Ukrainy buduć prablemy. «Vyhladaje zmročna», — dadaŭ jon.
Financial Times sa spasyłkaj na dakumienty z uciečki amierykanskaj raźviedki i Pientahona paviedamlaje, što ŭ Kijeva mohuć skončycca bojeprypasy dla piaci krytyčna važnych sistem SPA. Pavodle lutaŭskich acenak ZŠA, da 23 maja zdolnaść Ukrainy abaraniać ad abstrełaŭ svaje vojski na pieradavoj budzie «całkam źnižanaja», piša vydańnie.
Čytajcie taksama:
Kamientary