Paŭdniovaja Afryka choča vyjści z-pad jurysdykcyi Mižnarodnaha kryminalnaha suda
Źviazana heta ź niežadańniem aryštoŭvać Pucina na budučym samicie BRIKS.
Prezident Paŭdniovaafrykanskaj respubliki (PAR) zajaviŭ ab žadańni kiraŭničaj partyi krainy vyjści z-pad jurysdykcyi Mižnarodnaha kryminalnaha suda (MKS). Pra heta 25 krasavika paviedamiła vydańnie Al Jazeera.
Hetaja inicyjatyva tłumačycca niežadańniem aryštoŭvać prezidenta Rasii Uładzimira Pucina, jaki pavinien pryjechać u hetym hodzie na čarhovy samit BRIKS. Sprava ŭ tym, što pavodle ordara MKS, Paŭdniovaafrykanskaja Respublika pavinna zatrymać Pucina adrazu paśla jaho pryjezdu ŭ krainu i pieradać pad sud u Haazie.
Pavodle słoŭ prezidenta PAR, kraina, niahledziačy na pryniaćcie da ŭvahi nieabchodnaści aryštu Pucina, ličyć padobnaje rašeńnie MKS upiaredžanym i «niespraviadlivym u dačynieńni da peŭnych krain».
«My chacieli b, kab hetaje pytańnie ab niespraviadlivym abychodžańni było naležnym čynam abmierkavanaje, ale tym časam kiraŭničaja partyja vyrašyła jašče raz, što treba admovicca ad udziełu ŭ realizacyi rašeńniaŭ MKS», — skazaŭ prezident PAR Sirył Ramafosa.
Pry hetym Al Jazeera adznačaje, što Paŭdniovaafrykanskaja Respublika nie raz sprabavała asprečyć rašeńnie Mižnarodnaha kryminalnaha suda i vyjści z hetaj arhanizacyi.
Jašče ŭ 2016 hodzie PAR admoviŭsia aryštoŭvać pa ordary MKS tahačasnaha prezidenta Sudana Amara al-Bašyra, jaki tady pryjechaŭ u krainu na samit Afrykanskaha sajuza. Paśla hetaha Paŭdniovaafrykanskaja Respublika i zusim vyrašyła vyjści z MKS, adnak hetaje rašeńnie było admienienaje sudom, jaki paličyŭ taki krok antykanstytucyjnym.
«U adkaz na «nichto ź ich nie byŭ asudžany» — usie jany albo paŭstali pierad sudom, albo pamierli». Juryst pra ordar na Pucina
Kanstytucyjny sud Armienii pryniaŭ abaviazańni Rymskaha statuta. Pucina mohuć aryštavać?
«Kosaŭski Džordž Vašynhtan». U Haazie sudziać byłoha prezidenta Kosava, jakoha vinavaciać u vajennych złačynstvach i złačynstvach suprać čałaviečnaści
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?6
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary