Niekatoryja zachodnija analityki miarkujuć, što Ukraina mahła zapuścić drony na Kreml. Nieabaviazkova sa svajoj terytoryi — ŚMI
U Financial Times vyjšaŭ artykuł z analizam palotu dvuch dronaŭ da Kramla, u jakim apytvajuć ceły šerah zachodnich analitykaŭ pra toje, chto moh zapuścić drony da Kramla 3 maja. Davoli mnohija ź ich sumniavajucca ŭ tym, što heta rasijskaja insceniroŭka, i dapuskajuć, što Ukraina była zdolnaja heta zrabić, pryčym nieabaviazkova sa svajoj terytoryi.
Viersija ab insceniroŭcy zychodzić z taho, što Rasii była patrebnaja padstava dla eskałacyi. Ale ekśpierty pakazvajuć, što z punktu hledžańnia Kramla ŭ takoj apieracyi byli i istotnyja minusy: jana b pakazała niazdolnaść rasijskich śpiecsłužbaŭ abaranić krainu, nasupierak usiamu, što Pucin kaža ciaham 23 hadoŭ, źviartaje ŭvahu Bi-bi-si.
«U mianie jość sumnievy z nahody apieracyi pad čužym ściaham, pakolki palityčnaja škoda dla Pucina vielizarnaja», — skazaŭ «zachodni» dypłamat na ŭmovach ananimnaści. Jašče adzin zachodni čynoŭnik paraŭnaŭ toje, što zdaryłasia, z vybuchami na «Paŭnočnych patokach», jakija vyklikali vichor teoryj ab tym, chto vinavaty i kamu vyhadna. «Usia hetaja vajna poŭnaja čužych vorahaŭ. Kožny dzień uzdoŭž usioj linii frontu i na rasijskaj terytoryi adbyvajucca padziei, u jakich my nie viedajem, chto što zrabiŭ i navošta», — zaŭvažyŭ jašče adzin surazmoŭca.
Ukraina, jakaja admaŭlaje ataku, jak minimum tearetyčna mieła srodki dla jaje. «Ukraina pakazała, što jana moža ŭziać z palicy kamiercyjny pradukt, maštabavać jaho i zatym tvorča vykarystoŭvać jaho sa śmiarotnymi metami. I papiarednija ataki Ukrainy z dapamohaj bieśpiłotnych aparataŭ pakazali, jak ciažka abaraniacca ad takich udaraŭ», — zaŭvažaje ananimny zachodni vajskoviec.
Nie vyklučana, što aparat zapuścili nie z ukrainskaj terytoryi, a z bolš blizkaj adlehłaści, heta značyć, z terytoryi Rasii. U čaćvier dyrektar amierykanskaj vajskovaj raźviedki hienierał Skot Beryjer skazaŭ, što, pavodle pieršych prykmiet, apieratar dronaŭ mieŭ naziralny kantakt ź imi.
Majkł Kofman, dyrektar pa rasijskich daśledavańniach u centry vajenna-marskoha analizu ŭ Arlinhtonie (štat Virdžynija) miarkuje, što Ukraina da apieracyi, chutčej za ŭsio, jak minimum uskosna datyčnaja, i meta była ŭ tym, kab prademanstravać uraźlivaść Rasii. Niavierje ŭ heta aficyjnaha Vašynhtona jaho nie biantežyć.
«Va Ukrainy jość ceły śpiektr partnioraŭ, jakija padtrymlivajuć jaje ŭ vajnie… Adny buduć vitać ataki takoha typu, inšyja paličać ich nierazumnymi. Ź minułaha dośviedu, amierykanskaja administracyja nie zaŭsiody pazityŭna hladzić na ŭdary pa rasijskaj terytoryi», — kaža Kofman.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary