Kadyraŭ: Zachaplajusia strymanaściu i mudraściu Uładzimira Uładzimiraviča, jaki nie paddaŭsia na hetuju hniusnuju pravakacyju
Kiraŭnik Čačni Ramzan Kadyraŭ prakamientavaŭ u svaim telehram-kanale incydent ź bieśpiłotnikami nad Kramlom.
«Ataka na Kreml — ni što inšaje, jak pravakacyja i prymus da bolš masiravanych dziejańniaŭ — upadabany pryjom sučasnych hibrydnych vojnaŭ i zachodnich hienierałaŭ, vyniki čaho vyhadnyja dla samich pravakataraŭ. Łancužok zajaŭ i zavualavanych ukidaŭ u ŚMI pavinny byli pa zadumcy arhanizataraŭ zakranuć ambicyi i padšturchnuć Viarchoŭnaha hałoŭnakamandujučaha Rasii da bolš maštabnych i žorstkich dziejańniaŭ na Ukrainie, naprykład, masavych dyvanovych bambavańniaŭ haradoŭ. Potym źjavilisia b čarhovyja artykuły ab paciarpiełych mirnych hramadzianach i tamu padobnyja pralibieralnyja zajavy pra krainu-ahresara z vusnaŭ kijeŭskich nacystaŭ», — kaža Kadyraŭ i zajaŭlaje, što zachaplajecca hienijem i mudraściu Pucina.
«Zachaplajusia strymanaściu i mudraściu Uładzimira Uładzimiraviča, jaki nie paddaŭsia na hetuju hniusnuju pravakacyju. Ale adkazać za hety ŭčynak arhanizataram pryjdziecca, u jakim by paŭšarji Ziamli jany ni znachodzilisia. Chaj nie siońnia, nie zaŭtra, ale datyčnyja da hetaj akcyi paniasuć spraviadlivaje, zasłužanaje pakarańnie. A pakul rana. Rana, tamu što spraviadlivaść u suśvietnaj supolnaści siońnia pachavanaja intaresami krainy-ahresara, adzinaj u svaim rodzie ŭ śviecie, jakaja hadami prahinała pad siabie instytuty niezaležnaści, intaresaŭ i pravoŭ inšych krain», — dadaje kiraŭnik Čačni.
Jon miarkuje, što «pravakacyja» nie pavinna i nie budzie mianiać scenaryj zapłanavanaha chodu «śpiecyjalnaj vajennaj apieracyi».
«Tak, heta napad na prezidenta, a značyć, na dziaržavu i, jak śledstva, na ŭvieś narod Rasijskaj Fiederacyi. Ale heta nie pavinna ŭpłyvać na našy zadumanyja płany i intaresy. A adpłata, viadoma, budzie. I jana budzie chirurhična i juvielirna dakładnaj», — reziumuje Kadyraŭ.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary