Łupanosaŭ: Kala 40% HUBAZiKa było na baku naroda. A voś Karpiankoŭ i Biedunkievič adkryta kazali «Za nami Rasija»
Były supracoŭnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj Stanisłaŭ Łupanosaŭ u 2020 nie staŭ udzielničać u represijach, a staŭ dapamahać narodnamu ruchu za svabodnyja vybary. Ciapier jon supracoŭnik «Bajpoła» — inicyjatyvy siłavikoŭ suprać dyktatury.
Stanisłaŭ Łupanosaŭ pracavaŭ u HUBAZiKu na pasadzie staršaha opierupaŭnavažanaha pieršaha ŭpraŭleńnia. Heta ŭpraŭleńnie zajmajecca karupcyjnymi złačynstvami ŭ śfiery miedycyny. Da hetaha jon pracavaŭ čatyry hady ŭ HUUS Minska. Zajmaŭsia złačynstvami ŭ kibierprastory, z chakierami zmahaŭsia, z machlarstvam u internecie. Jašče da taho dziesiać hadoŭ — va ŭpraŭleńni kryminalnaha vyšuku, dzie zajmaŭsia raskryćciom kradziažoŭ mašyn.
U listapadzie 2020 hoda Stanisłaŭ Łupanosaŭ vyjechaŭ z terytoryi Biełarusi — heta byŭ momant, kali zabili Ramana Bandarenku.
«Pieršy čas paśla vybaraŭ kala 40% HUBAZiKa adnaznačna była na baku naroda, — raskazaŭ Stanisłaŭ Łupanosaŭ radyjo «Racyja».
— Jany hetaha nie pakazvali, prosta ničoha nie rabili. Jany ničoha nie vykonvali. Druhaja častka biehała razam z Karpiankovym, razam ź Biedunkievičam, z bajcami sił śpiecyjalnych apieracyj Ministerstva abarony. Tyja kadry, što my bačyli, heta rabili jany».
Heta była nie vypadkovaja, a śviadomaja pazicyja.
«Praktyčna z kožnym razmaŭlali, uvieś čas pravodzili palitinfarmacyju. U tym liku z zaprašeńniem Karajeva, Kazakieviča, jany ŭvieś čas ucirali palityku režymu: «Heta ŭsio narmalna. Za nami Rasija». Pryčym jany kazali dasłoŭna — Rasija, nie Łukašenka, «za imi Rasija». U pryvatnaści, pra heta kazali Karpiankoŭ i Biedunkievič».
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary
biednaja naša kraina