Viadoma, što kiraŭnika «Viasny» i nobieleŭskaha łaŭreata etapavali ŭ kancy krasavika ŭ horackuju kałoniju № 9. Ale navat aficyjnaha padćviardžeńnia jaho znachodžańnia tam dahetul niama.
3 sakavika sud Leninskaha rajona Minska pakaraŭ Alesia Bialackaha pazbaŭleńniem voli terminam 10 hadoŭ, a jaho kaleh Valancina Stefanoviča i Uładzimira Łabkoviča — na 9 i 7 hadoŭ źniavoleńnia adpaviedna. Razhlad apielacyjnaj skarhi adbyŭsia 21 krasavika, Viarchoŭny sud pakinuŭ prysud bieź źmien. Pravaabaroncy ŭtrymlivajucca ŭ źniavoleńni bolš za 22 miesiacy, paviedamlaje «Viasna».
Padtrymajcie Alesia listami, paštoŭkami i telehramami: PK № 9, 213410, Horki, Dabralubava, 16, Alaksandru Viktaraviču Bialackamu.
Na žal, vypadak ź Bialackim nie ŭnikalny. Doŭhi čas niama viestak ad Mikoły Statkieviča (95 dzion), Maksima Znaka (ź lutaha), Siarhieja Cichanoŭskaha (z 10 sakavika) i niekatorych inšych viaźniaŭ.
Ciapier čytajuć
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam16
Kamientary
P.s. Z prykraściu znoŭ adznačaju, što niejki denacyfikavany ŭralski pielmień vyklikaŭ bolš uvahi, čym naš Nobieleŭski łaŭreat. I ruski mir tak prosta nie vytraviš, i prymusić siabie niejak adhukacca na navakolny niehatyŭ ciažej, čym radasna złaślivić nad čarhovym prapłyvajučym pa race žmurom voraham. Ale treba dbać i pieražyvać ab svaich ludziach najpierš.