«Budziem hladzieć, ci prymalnaja tvorčaść». Ministr kultury patłumačyŭ, jak buduć vydavać hastrolnyja paśviedčańni
Jak čakajecca, hetyja i inšyja novaŭviadzieńni pačnuć dziejničać z 1 lipienia.
Pry vydačy hastrolnaha paśviedčańnia ŭpraŭleńni kultury buduć vyśviatlać, ci prymalnaja tvorčaść taho ci inšaha artysta, pra heta zajaviŭ ministr kultury Biełarusi Anatol Markievič u parłamiencie, jak piša «Sputnik».
«…Adpaviedna ŭpraŭleńnie hladzić, ci ŭsie tam artysty, tyja ci inšyja, nakolki siońnia ich tvorčaść prymalnaja. To-bok voś u takim rakursie razhladajecca pytańnie», — skazaŭ ministr.
Taksama Markievič nahadaŭ, što ŭ Biełarusi płanujuć pryniać papraŭki, jakija dazvalajuć arhanizataram kancertaŭ stvarać časovyja kalektyvy vykanaŭcaŭ. A sami artysty prosta mohuć zaklučyć ź im damovu. Im nie treba budzie rehistravacca jak IP.
Jak čakajecca, hetyja i inšyja novaŭviadzieńni pačnuć dziejničać z 1 lipienia. Z hetaj daty IP, jakija arhanizujuć kancerty, bolš nie zmohuć hetym zajmacca: im treba budzie zarehistravać jurydyčnuju asobu. Płanujecca, što novy zakon dazvolić zrabić heta pa lhotnaj pracedury.
Dla transfarmacyi IP u kampanii raspracavali asobnaje pałažeńnie. U pryvatnaści, jano dazvalaje, kab miescaznachodžańniem jurydyčnaj asoby była kvatera abo dom zasnavalnika. Dziaržpošlinu za rehistracyju takoj kampanii płacić nie treba. Čakajecca, što hetyja i inšyja papraŭki prymuć u hetym miesiacy.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj60
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary