«Patoki vady niasuć cieły zahinułych žyvioł». Ukrainski palityk apisvaje situacyju na Chiersonščynie
Deputat Viarchoŭnaj Rady Ukrainy Alaksiej Hančarenka na ŭłasnyja vočy pabačyŭ nastupstvy katastrofy, vyklikanaj padryvam rasijanami damby Kachoŭskaj HES.
«U Chiersonie vada ŭsio prybyvaje. My nie viedajem, na jakim uzroŭni jana spynicca», — kaža deputat.
U hutarcy z «Našaj Nivaj» Hančarenka adznačaje, što ludziej z zatoplenych rajonaŭ evakujujuć, ale mnohija jašče zastajucca ŭ niebiaśpiecy. Svajo žytło jany vymušanyja pakinuć, bo jano ŭ vadzie.
«Na pravym bierazie Dniapra, jaki kantraluje Ukraina, evakuacyja arhanizavanaja. Padvozicca pitnaja vada. Situacyja składanaja, ale pad kantrolem. Na levym bierazie Rasija plavać chacieła na ludziej. Evakuacyjaj i dapamohaju tam nichto nie zajmajecca», — dzielicca svaim bačańniem palityk.
Ukrainskija ŭłady vyvoziać ludziej u biaśpiečnyja rajony. U sacyjalnych sietkach mnostva paviedamleńniaŭ ab hatoŭnaści pryniać evakujavanych. Raźmiaščeńniem zajmajucca i «Hančarenka centry» (niedziaržaŭnaja sietka kulturna-vałanciorskich prastor), jakija mieściacca ŭ susiednim z Chiersonam Mikałajevie, a taksama Adesie.
Alaksiej Hančarenka kaža, što ciapier ułady zakłapočanyja tym, kab źmienšyć maštab doŭhaterminovych nastupstvaŭ ad katastrofy dla ekałohii. Isnuje imaviernaść epidemii.
Pa Chiersonščynie da Čornaha mora zabrudžanyja patoki vady niasuć cieły zahinułych žyvioł. U vadu vylilisia tony alivy z Kachoŭskaj HES.
«Ciapier leta, jakoje paskaraje hnijeńnie cieł zahinułych žyvioł i, mahčyma, ludziej. Bahata źniesła brudu ŭ raku. Tamu ryzyka epidemii chvarobaŭ duža vysokaja», — prahnazuje Alaksiej Hančarenka.
Rasijanie ŭzarvali zaprudu na Dniapry 6 červienia. Vybuch adbyŭsia ŭ mašynnaj zale Kachoŭskaj HES, jakaja, miarkujecca, adnaŭleńniu nie padlahaje.
Pavodle apošnich źviestak Abłasnoj vajennaj administracyi, na toj častcy Chiersonščyny, jakaja kantralujecca ŭzbrojenymi siłami Ukrainy, zatoplenyja dziasiatki pasieliščaŭ.
U samim Chiersonie pad vadoju bolš za 1800 budynkaŭ. Uzrovień vady ŭ horadzie siahaje bolš čym na 5 mietraŭ. Pik zatapleńnia jašče nie nadyšoŭ. Prahnazujecca, što ŭ najbližejšyja hadziny ŭzrovień vady stabilizujecca.
«Naša Niva» — bastyjon biełaruščyny
PADTRYMAĆHladzicie taksama:
«Heta złačynna i biezrazvažna»: hienieralny sakratar Rady Jeŭropy asudziła padryŭ Kachoŭskaj HES
«Nie chapała siły». Załužny zhadaŭ, što daviało jaho da śloz z pačatku rasijskaha ŭvarvańnia
-
U Zaparožskaj vobłaści rasijanie ŭdaryli pa škole, dzie razdavali humanitarku. Zahinuli jak minimum 24 čałavieki
-
Zialenski: Ukraina hatovaja prypynić udary pa rasijskich NPZ, ale jość umova
-
Va Ukrainie i Rasii ŭzłamali sistemy apaviaščeńniaŭ. Ludziam prychodzili paviedamleńni pra chimičnuju niebiaśpieku i jadziernuju pahrozu
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary